టాలీవుడ్లో తన అందం, యాక్టింగ్తో మెప్పించిన హీరోయిన్ కాజల్ అగర్వాల్.. దాదాపు అందరు యువ హీరోలతో కలిసి సినిమాలు చేశారు. ఇక ఇప్పుడు అగ్రహీరో అయిన నందమూరి బాలకృష్ణతో జతకట్టనున్నారు. తాజాగా ఆమె.. దర్శకుడు అనిల్ రావిపూడి తెరకెక్కిస్తున్న ఎన్బీకే108 షూటింగ్ సెట్లోకి అడుగుపెట్టారు. ఈ విషయాన్ని తెలియజేసేలా మూవీ యూనిట్ తాజాగా ఓ పోస్టర్ను విడుదల చేసింది. ఇక ఈ సినిమాలో నటి శ్రీలీల కీలక పాత్ర పోషిస్తున్నారు. షైన్‌ స్క్రీన్ బ్యానర్పై సాహు గారపాటి, హరీశ్ పెద్ది సంయుక్తంగా నిర్మిస్తున్నారు. ఎస్ఎస్ తమన్ సంగీత స్వరాలు సమకూరుస్తున్నారు. ఇక ఎన్బీకే108 సినిమా శరవేగంగా చిత్రీకరణ జరుపుకుంటోంది.
పెళ్లై పాప పుట్టిన అనంతరం యాక్టింగ్కు కాస్త గ్యాప్ ఇచ్చిన కాజల్ అగర్వాల్.. మళ్లీ సినిమాల్లో నటించేందుకు ఆసక్తి చూపిస్తున్నారు. రీసెంట్గా ఈమె.. తమిళ చిత్రం ఘోస్టీతో ప్రేక్షకుల్ని అలరించారు. ఇటీవలే విడుదలైన ఈ సినిమా బాక్సాఫీస్ వద్ద ఆశించిన స్థాయిలో ఆకట్టుకోలేదు. ఇదే సినిమా కోస్టీ పేరుతో తెలుగులో మార్చి 22న తెలుగు ఆడియన్స్ ముందుకు రానుంది. తెలుగులో చందమామ సినిమాలో తన నటనతో ఆడియన్స్కు దగ్గరయ్యారు. ఆ తర్వాత టాలీవుడ్లో అగ్రహీరోయిన్గా ఎదిగిన ఈమె తన ఖాతాలో ఎన్నో బ్లాక్బస్టర్స్ను వేసుకున్నారు.
మహారాష్ట్రకు చెందిన బిజినెస్మెన్ గౌతమ్ కిచ్లును 2020లో వివాహం చేసుకున్నారు కాజల్. దీంతో కొన్నాళ్లు ఈమె సినిమాలకి దూరంగా ఉన్నారు. ఇటీవలే ఓ బిడ్డకు జన్మనిచ్చారు. అయితే ఈ పరిణామాలతో కాజల్ కొద్ది రోజులు సినిమాలకు బ్రేక్ చెప్పారు. అయితే వరుస సినిమాల షెడ్యూల్తో బిజీగా కనిపిస్తున్న కాజల్ సినీ ఇండస్ట్రీలో కొనసాగుతానని చెప్పకనే చెప్పారు. అయితే భర్త గౌతమ్ కిచ్లు పెళ్లికి ముందు తనకు మంచి ఫ్రెండ్ కావడం వల్ల అతడి ప్రోత్సాహంతో సినిమాల్లో సెకెండ్ ఇన్నింగ్స్ను మొదలుపెట్టారు కాజల్.
తన ఆరోగ్య విషయంలో కూడా చాలా జాగ్రత్తగా ఉంటారు కాజల్ అగర్వాల్. రెగ్యూలర్గా జిమ్, వ్యాయామాలు చేస్తూ బాడీని ఫిట్గా ఉండేలా చూసుకుంటారు. అయితే ఈ మధ్య సోషల్ మీడియాలో కూడా చాలా యాక్టివ్గా ఉంటున్నారు కాజల్. ఈ క్రమంలో తన కొత్త లుక్స్ను అభిమానులకు చూపించేందుకు మోడ్రన్ డ్రెస్సులు ధరించి పలు ఫొటో షూట్లను సోషల్ మీడియా వేదికగా ఫ్యాన్స్తో పంచుకుంటున్నారు కాజల్.
అయితే ఇండస్ట్రీలో హీరోయిన్ల హవా వారు పెళ్లి చేసుకునేంత వరకే అనే ప్రచారం ఉండేది. కానీ ప్రస్తుతం ఆ ట్రెండ్ మారుతోంది. వివాహ బంధంలోకి అడుగుపెట్టి పిల్లల్ని కని కూడా సిల్వర్ స్క్రీన్పై కనిపించేందుకు ఆసక్తి చూపిస్తున్నారు. ఈ లిస్ట్లో హీరోయిన్ కాజల్ అగర్వాల్తో పాటు బాలీవుడ్ నటి కాజోల్, ఐశ్వర్యరాయ్ బచ్చన్, నయనతార, స్నేహ, మాధురి దీక్షిత్ ఉన్నారు.
