Public Opinion on Formation of ACCMC: అమరావతి క్యాపిటల్ సిటీ మున్సిపల్ కార్పొరేషన్ ఏర్పాటుపై 5వ రోజు ప్రజాభిప్రాయ సేకరణ ముగిసింది. రాజధాని అమరావతి పరిధిలోని ఐనవోలు, శాఖమూరు, నేలపాడు, దొండపాడులో గ్రామాల ప్రజలు.. 19 గ్రామాలతో కూడిన అమరావతి మున్సిపల్ కార్పొరేషన్కు వ్యతిరేకంగా తమ నిర్ణయాన్ని తెలిపారు. ఈ మేరకు నాలుగు గ్రామాల్లోనూ ఏకగ్రీవ తీర్మానం చేశారు. తమకు 29 గ్రామాలతో కూడిన కార్పొరేషన్ ఏర్పాటు చేయాలని డిమాండ్ చేశారు.
ప్రభుత్వ ప్రతిపాదన.. సీఆర్డీఏ మాస్టర్ ప్లాన్ను చిన్నాభిన్నం చేసే విధంగా ఉందని ఆందోళన వ్యక్తం చేశారు. 19 గ్రామాలతో కూడిన అమరావతి మున్సిపల్ కార్పొరేషన్ ఏర్పాటుకు వ్యతిరేకంగా నాలుగు గ్రామాల్లోనూ స్థానికులు ఏకగ్రీవ తీర్మానం చేశారు. నాలుగు గ్రామాల్లోనూ గ్రామ సభలు ప్రశాంతంగా ముగిశాయి. అమరావతి క్యాపిటల్ సిటీ మున్సిపల్ కార్పొరేషన్ ఏర్పాటు కోసం నిర్వహించిన గ్రామ సభలకు బుధవారం చివరి రోజు.
ఇదీ చదవండి..: Public Opinion on ACCMC: అమరావతి గ్రామసభల్లో నిరసన గళం.. 29 గ్రామాలను కలిపే ఉంచాలని డిమాండ్
