Kishan Reddy Meet Chiranjeevi: హైదరాబాద్ వేదికగా మరో జాతీయ సాంస్కృతిక కార్యక్రమాలకు కేంద్రం శ్రీకారం చుట్టింది. కేంద్ర సాంస్కృతిక శాఖ ఆధ్వర్యంలో ఏప్రిల్ 1 నుంచి 3 వరకు రాష్ట్రీయ సాంస్కృతిక మహోత్సవ్ను నిర్వహించాలని నిర్ణయించింది. ఈ మేరకు ఆ శాఖ మంత్రి కిషన్ రెడ్డి హైదరాబాద్లో మెగాస్టార్ చిరంజీవిని మర్యాదపూర్వకంగా కలుసుకున్నారు. జూబ్లీహిల్స్లోని చిరంజీవి నివాసానికి వెళ్లిన కిషన్ రెడ్డి... మెగాస్టార్ చిరంజీవిని రాష్ట్రీయ సాంస్కృతిక మహోత్సవ్కు ఆహ్వానించారు.
కిషన్ రెడ్డి ఆహ్వానం పట్ల హర్షం వ్యక్తం చేసిన చిరంజీవి..సాంస్కృతిక కార్యక్రమాల్లో భాగస్వామి కానుండటం అదృష్టంగా భావిస్తున్నట్లు తెలిపారు. దేశంలోని వివిధ ప్రాంతాల్లోని జానపద, గిరిజన, వృత్తి కళాకారుల జీవనోపాధికి ఈ వేడుక చక్కని వేదిక అవుతుందని చిరంజీవి ఆశాభావం వ్యక్తం చేశారు.
ఇదీ చదవండి: సహచరుడి కాల్పుల్లో ఐదుగురు బీఎస్ఎఫ్ జవాన్లు మృతి
