Sub Engineer Suicide: అనారోగ్యంతో తీవ్ర మానసిక క్షోభ అనుభవించిన ఓ సబ్ ఇంజినీర్ ప్రాణం తీసుకున్నాడు. తలకు పాలిథీన్ బ్యాగ్ చుట్టుకొని.. అందులో నింపిన నైట్రోజన్ గ్యాస్ను పీల్చుకొని ఊపిరాడక చనిపోయాడు. చనిపోయే ముందు సూసైడ్ నోట్ కూడా రాశాడు. ఈ ఘటన మధ్యప్రదేశ్ నర్మదాపురంలో జరిగింది. మృతుడిని మునిసిపాలిటీలో పనిచేసే సబ్ ఇంజినీర్ చేతన్ భూమర్కర్గా గుర్తించారు.
మీనాక్షి చౌక్లోని గిన్నీ కాంపౌండ్లో పనిచేసే చేతన్ భూమర్కర్కు కొద్దిరోజులుగా ఆరోగ్యం బాగాలేదు. దీంతో తీవ్రంగా కుంగిపోయాడు. ఈ నేపథ్యంలోనే ఆత్మహత్య చేసుకున్నాడు. మంగళవారం ఉదయం చేతన్ ఎంతసేపటికీ తన గది తలుపులు తెరవకపోయేసరికి.. ఇంటి యజమాని పోలీసులకు సమాచారం అందించాడు. వారు తలుపులు పగులకొట్టి చూడగా చేతన్ విగతజీవిగా పడి ఉన్నాడు.
గదిలో నైట్రోజన్ గ్యాస్ సిలిండర్, పాలిథీన్ బ్యాగ్ లభ్యమయ్యాయి. సూసైడ్ నోట్లో.. తన చావుకు ఎవరూ కారణం కాదని, అనారోగ్యంతోనే చనిపోతున్నానని పేర్కొన్నాడు మృతుడు. తన కుటుంబసభ్యులకు సమాచారం అందించాలని లేఖలో కోరాడు. దీనిపై కేసు నమోదు చేసుకున్న పోలీసులు.. అన్ని కోణాల్లో దర్యాప్తు చేస్తున్నారు.
ఇవీ చూడండి: వెంటిలేటర్లో ఇరుక్కున్న పిల్లి.. గంటలపాటు ఉక్కిరిబిక్కిరి!
రాహుల్ గాంధీపై ఆ వీడియోలు.. టీవీ యాంకర్ అరెస్టుపై రెండు రాష్ట్రాల వార్!
