కేరళ కోజికోడ్​ జిల్లాలో సిద్ధిఖ్​ అనే 58 ఏళ్ల ఓ హోటల్ వ్యాపారిని అత్యంత కిరాతకంగా హత్య చేశారు ఇద్దరు స్నేహితులు. అనంతరం మృతదేహాన్ని ముక్కలుగా నరికి ట్రాలీ బ్యాగ్​లో తీసుకెళ్లి పాలక్కడ్​ జిల్లా అట్టప్పాడి పాస్ సమీపంలోని అటవీ ప్రాంతంలో విసిరేశారు. ఈ కేసులో నిందితులుగా ఉన్న 22 ఏళ్ల యువకుడు, 18 ఏళ్ల యువతి ఇద్దరిని శుక్రవారం ఉదయం చెన్నై పోలీసులు అదుపులోకి తీసుకుని కేరళ పోలీసులకు అప్పగించారు. ముక్కలుగా పడి ఉన్న మృతదేహం శరీర భాగాలను అట్టపాడి పాస్​ వద్ద స్వాధీనం చేసుకొని పోస్ట్​మార్టం కోసం కోజికోడ్ మెడికల్ కాలేజీ ఆస్పత్రికి పంపించారు పోలీసులు. హత్య జరిగిన సమయంలో హోటల్ గదిలోనే ఉన్నట్లు అనుమానిస్తున్న పాలక్కడ్‌కు చెందిన మరో వ్యక్తి ఆషిక్​ను కూడా పోలీసుల అదుపులోకి తీసుకున్నారు.

పోలీసులు తెలిపిన వివరాల ప్రకారం..
మలప్పురం జిల్లా తిరూర్‌కు చెందిన సిద్ధిఖ్​ (58) కోజికోడ్​లోని ఒలవన్నాలో ఓ హోటల్​ను నిర్వహిస్తున్నారు. వ్యాపారం కోసం ఈయన కుటుంబ సభ్యులకు దూరంగా ఉంటూ ఇక్కడే వసతిని ఏర్పాటు చేసుకున్నారు. ఈ క్రమంలో ఈ నెల 18న కోజికోడ్​లోని ఎరంజిపాలెంలోని ఓ హోటల్​లో G3, G4 రెండు గదులను బుక్​ చేసుకున్నారు. సిద్దిఖ్​ ఉన్న హోటల్​లోనే పాలక్కడ్​కు చెందిన నిందితులు శిబిల్ ​(22), అతడి స్నేహితురాలు ఫర్హానా (18) కూడా హోటల్​లోని ​పైఅంతస్తులో రూం తీసుకున్నారు. వీరిద్దరితో పాటు సిద్ధిఖ్​ కుడా హోటల్​లోకి ప్రవేశిస్తున్నట్లుగా అక్కడే ఉన్న సీసీటీవీలో రికార్డ్​ అయ్యాయి. కాగా, మే 19న మధ్యాహ్నం శిబిల్​, ఫర్హానా ఓ ట్రాలీ బ్యాగ్​తో కిందకు దిగారు. ఈ దృశ్యాలు కూడా హోటల్​లోని కెమెరాల్లో రికార్డ్​ అయ్యాయి. ఈ ఫుటేజీలను పోలీసులు స్వాధీనం చేసుకున్నారు.

ఇదిలా ఉంటే సిద్ధిఖ్​కు అతడి కుమారుడు ఎన్ని సార్లు ఫోన్​ చేసినా​ స్విచ్ ఆఫ్​ వచ్చింది. అదే సమయంలో అతడి ఫోన్‌కు ఏటీఎం నుంచి డబ్బులు డ్రా చేసినట్లుగా మెసేజ్‌లు వచ్చాయి. ఫోన్​ స్విచ్​ ఆఫ్​, పెద్ద మొత్తంలో నగదు విత్​డ్రా వంటి వాటితో ఆందోళన చెందిన సిద్ధిఖ్​ కుమారుడు వెంటనే పోలీసులకు ఫిర్యాదు చేశాడు. అయితే ఈ కేసులో ప్రధాన నిందితుడిగా ఉన్న శిబిల్​ సిద్ధిఖ్​​ నిర్వహిస్తున్న హోటల్​లో 15 రోజులు పనిచేశాడు. ఈ క్రమంలో అతడి ప్రవర్తన నచ్చకపోవడం వల్ల అతడిని పనిలో నుంచి తొలగించాడు సిద్ధిఖ్​​. దీంతో వ్యాపారి సిద్ధిఖ్​​పై కోపం పెంచుకున్న శిబిల్​ ఉద్యోగం నుంచి తొలగించాడనే కారణంతోనే సిద్దిఖ్​పై వ్యక్తిగతంగా పగ పెంచుకొని అతడిని హత్యా చేశాడా.. లేదా వేరే ఇతరత్రా కారణాలేమైనా ఉన్నాయా అనే కోణంలో పోలీసులు ప్రాథమికంగా దర్యాప్తు చేపట్టారు. కాగా, నిందితులు సిద్ధిఖ్​ను ఆరు రోజుల ముందే హత్య చేసి ఉంటారని ప్రాథమిక నిర్ధరణకు వచ్చినట్లు పోలీసులు తెలిపారు.

రెండు గదులు ఎందుకు బుక్​ చేశారు..?
సిద్ధిఖ్​ ఎరంజిపాలెంలో ఎందుకు గది తీసుకున్నారు? అది కూడా రెండు గదులు ఎందుకు బుక్ చేశారు? ఘటన వెనుక హనీ ట్రాప్​ ఏమైనా ఉందా..? కుమారుడి ఫోన్​కు లక్షల రూపాయలు విత్​డ్రా చేసుకున్నట్లుగా వచ్చిన సందేశాలు సిద్ధిఖ్​ విత్ డ్రా చేస్తేనే వచ్చాయా లేదా ఇంకెవరైనా ఆ డబ్బును వాడుకున్నారా అనే విషయాలపై పోలీసులు లోతైన దర్యాప్తు చేస్తున్నారు.

తానే కొట్టింది.. ఆపై ఆస్పత్రిలో చేర్చింది!
ఓ మహిళ తన భర్తను కర్రతో అత్యంత దారుణంగా కొట్టింది. అనంతరం ఆమెనే స్వయంగా అతడ్ని ఆస్పత్రిలో చేర్పించి చికిత్స చేయించింది. ఈ ఘటనలో భర్త కాలు విరిగిపోయింది. ఉత్తర్​ప్రదేశ్ బహ్రైచ్ జిల్లాలోని పదరియా గ్రామంలో జరిగిందీ ఘటన. పెయింటర్‌గా పనిచేస్తున్న సంజయ్ కుమార్​ ఇంటి ఖర్చులకు డబ్బులు ఇవ్వకుండా నిత్యం మద్యం సేవించడమే కాకుండా డ్రగ్స్​కు బానిసై తరచూ ఇంట్లో గొడవలకు దిగుతున్నాడనే కారణంతో చంద్రావతి అనే మహిళ మనస్తాపానికి గురైంది. గురువారం అతడికి ఎలాగైనా గుణపాఠం చెప్పాలంటూ ఇంట్లో ఉన్న కర్రతో కొట్టింది.

• ఇవీ చదవండి:
• నీటి పైప్​లైన్ పేలి మహిళ మృతి.. 50ఇళ్లు ధ్వంసం.. రూ.లక్షల్లో నష్టం
• 'భాగస్వామితో శృంగారానికి నిరాకరించడం మానసిక క్రూరత్వమే'