Google Wallet Work In India : టెక్ దిగ్గజం గూగుల్ ఎప్పటికప్పుడు సరికొత్త సేవలను పరిచయం చేస్తూ నెటిజన్లు ఆకట్టుకుంటోంది. అందులో ఒకటి గూగుల్ వాలెట్. గూగుల్ వాలెట్ యాప్ అందరి దృష్టిని ఆకర్షించింది. గూగుల్ వాలెట్ అనేది సాధారణంగా మీ వాలెట్ లేదా పర్స్లో తీసుకెళ్లే క్రిడిట్, డెబిట్ కార్డులు, ఈవెంట్ టిక్కెట్స్, ఎయిర్లైన్ బోర్డింగ్ పాసులు, స్టూడెంట్ ఐడీ వంటి వాటిని గూగుల్ వాలెట్లో డిటిజల్ వెర్షన్లో స్టోర్ చేసుకోవచ్చు. అలా మీరు క్రెడిట్, డెబిట్ కార్డ్స్ కోసం ప్రత్యేకంగా పర్సు తీసుకెళ్లాల్సిన అవసరం రాదు.
ఈ యాప్ సేవలను గూగుల్ ఇప్పటికే కొన్ని దేశాల్లో అందిస్తోంది. అయితే భారతదేశంలో మాత్రం గూగుల్ వాలెట్ సర్వీసులు అందుబాటులో లేవు. అయినప్పటికీ కొంతమంది యూజర్లు థర్డ్ పార్టీ యాప్ల ద్వారా గూగుల్ వాలెట్ సేవలను వినియోగించుకుంటున్నారు.
అయితే గత మూడు నెలలుగా కొంతమంది ఆండ్రాయిడ్ యూజర్లు గూగుల్ వాలెట్ను తమ ఫోన్లలో వాడుతున్నట్లు చెబుతున్నారు. ఈ యాప్ ద్వారా కొన్ని చెల్లింపులు, రివార్డులు, పాస్లు, టిక్కెట్లను WearOS అనే థర్డ్ యాప్ సాయంతో వాడుతున్నట్లు తెలిపారు. అయితే గూగుల్ వాలెట్ భారత్లో మాత్రం అధికారికంగా అందుబాటులో లేదు.
'WearOSలో యాప్ డేటాను క్లియర్ చేసిన తర్వాత నేను చాలాసార్లు దీనిని ఇన్స్టాల్ చేసేందుకు ప్రయత్నించాను. కానీ, ఫలితం లేదు. అయితే ఒకసారి యాప్ నుంచి ఎగ్జిట్ అయ్యి మరోసారి డౌన్లోడ్ చేసేందుకు ట్రై చేశాను. మళ్లీ అదే "నాట్ సపోర్టెడ్" అనే దానిని స్క్రీన్‌పై చూపిస్తుంది. చివరగా ఓసారి ఆండ్రాయిడ్ సెట్టింగుల్లోకి వెళ్లి ప్రయత్నించా. అయినా ప్రయోజనం లేదు' అని ఓ యూజర్ తెలిపారు.
గూగుల్ వాలెట్ ప్లేస్టోర్లో కూడా లేదు. అయితే మీ ఆండ్రాయిడ్ ఫోన్లో ఈ వాలెట్ పనిచేస్తుందో లేదో తెలుసుకోవాలంటే APKని డౌన్లోడ్ చేసి ఇన్స్టాల్ చేయవచ్చు. గత కొన్నాళ్లుగా భారత్లో గూగుల్ వాలెట్ ప్రారంభిస్తుందని ఎన్నో రూమర్స్ వస్తున్నప్పటికీ గూగుల్ మాత్రం అధికారికంగా ఇప్పటివరకు ఎలాంటి ప్రకటన చేయలేదు. గూగుల్ వాలెట్ భారత్లో లాంఛ్ అయ్యేందుకు ఇంకా చాలా సమయం పట్టే అవకాశం ఉన్నట్లు సమాచారం.
గూగుల్ న్యూ AI ఫీచర్స్ - ఇకపై మీ పనులన్నీ ఈజీగా కంప్లీట్! - Google Cloud Next 2024
ట్రూకాలర్ వెబ్ వెర్షన్ రిలీజ్ - ఇకపై PCలోనూ రియల్ టైమ్ నోటిఫికేషన్స్! - Truecaller For Web
