Devon Thomas Banned: వెస్టిండీస్ ప్లేయర్ డేవన్ థామస్కు ఐసీసీ షాకిచ్చింది. అవినీతి నిరోధక నిబంధనలు ఉల్లంఘించినందుకుగాను అతడిపై 5 ఏళ్లు క్రికెట్ ఆడకుండా నిషేధం విధించింది. ఈ నిషేధం అన్ని ఫార్మాట్లకు వర్తిస్తుందని ఐసీసీ చెప్పింది. శ్రీలంక ప్రీమియర్ లీగ్, కరీబియన్ ప్రీమియర్ లీగ్, ఎమిరేట్స్ క్రికెట్ బోర్డ్ నిబంధనలు ఉల్లంఘిచినందుకు థామస్పై చర్యలు తీసుకున్నట్లు ఐసీసీ స్పష్టం చేసింది.
అయితే 2021 శ్రీలంక ప్రీమియర్ లీగ్లో థామస్ ఫిక్సింగ్కు పాల్పడినట్లు అతడిపై అభియోగాలు ఉన్నాయి. దీంతో ఐసీసీ అప్పట్లోనే అతడిపై తాత్కాలిక సస్పెన్షన్ వేటు వేసింది. ఇక తాజా విచారణలో థామస్ కూడా తన తప్పిదాన్ని అంగీకరించాడు. దీంతో ఐసీసీ అతడిపై 5 ఏళ్లు నిషేధం విధించింది.
కాగా, 2009లో అంతర్జాతీయ అరంగేట్రం చేసిన థామస్ 1 టెస్టు, 21 వన్డే, 12 టీ20 మ్యాచ్ల్లో వెస్టిండీస్కు ప్రాతినిధ్యం వహించాడు. అందులో టెస్టులో 31, వన్డేల్లో 238, టీ20లో 51 పరుగులు చేశాడు. అటు బౌలింగ్లో 4 వికెట్లు పడగొట్టాడు. ఇక 2022లో చివరిసారిగా ఇంటర్నేషనల్ మ్యాచ్ (ఆస్ట్రేలియాతో టెస్టు) ఆడాడు.
ఐపీఎల్లోనూ నిషేధం: ఐపీఎల్లో ఇటీవల కోల్కతా నైట్రైడర్స్ జట్టు బౌలర్ హర్షిత్ రానాపై వేటు పడింది. ప్రవర్తనా నియమావళి ఉల్లంఘించినందుకు సీమర్‌ హర్షిత్ రానాపై ఒక మ్యాచ్ నిషేధం విధించారు. రీసెంట్గా దిల్లీ క్యాపిటల్స్తో జరిగిన మ్యాచ్లో అభిషేక్ పోరెల్ వికెట్‌ తీసిన సందర్భంలో హర్షిత్ రాణా సెలబ్రేట్‌ చేసుకున్న తీరుకు చర్యలు తీసుకున్నారు ఐపీఎల్ నిర్వాహకులు. రాణా తన చేతిని పోరెల్ వైపు చూపిస్తూ తిరిగి పెవిలియన్‌కు వెళ్లమని సూచించాడు. ఈ క్రమంలోనే మరోసారి ఫ్లైయింగ్‌ కిస్‌ ఇవ్వబోయి ఆగిపోయాడు. ఇది కాస్త వివాదమైంది. అతడి చర్యను తప్పుబడుతూ అందరూ విమర్శించారు. దీంతో అతనికి మ్యాచ్ ఫీజులో 100 శాతం జరిమానా విధించారు. ఒక మ్యాచ్ నుంచి సస్పెండ్‌ చేశారు. కాగా, ఈ మ్యాచ్లో కోల్కతా 7 వికెట్ల తేడాతో నెగ్గింది.
