Under - 19 World Cup IND VS PAK : అండర్ 19 వరల్డ్ కప్ 2024లో పాకిస్థాన్ సెమీఫైనల్కు అర్హత సాధించింది. నాకౌట్ చేరాలంటే తప్పక గెలవాల్సిన మ్యాచ్‌లో థ్రిల్లింగ్ విక్టరీని అందుకుంది. ఉత్కంఠగా సాగిన తమ ఆఖరి సూపర్ సిక్స్‌ మ్యాచ్‌లో 5 పరుగుల తేడాతో బంగ్లాదేశ్ను ఓడించి సెమీస్కు బెర్త్ను ఖరారు చేసింది.
ఈ మ్యాచ్‌లో మొదట బ్యాటింగ్కు దిగిన పాకిస్థాన్ 40.4 ఓవర్లలో 155 పరుగులకే ఆలౌట్ అయింది. అరఫత్ మిన్‌హాస్(40 బంతుల్లో 34; 4 ఫోర్లు, సిక్స్‌), షెహ్‌జైబ్ ఖాన్(67 బంతుల్లో 26; 3 ఫోర్లు) పర్వాలేదనిపించారు. బంగ్లా బౌలర్లలో రోహనత్, షేక్ జిబాన్ నాలుగేసి వికెట్లు పడగొట్టగా, రెహ్మాన్ రబ్బీ ఓ వికెట్ తీశాడు. అనంతరం లక్ష్యచేధనకు దిగిన బంగ్లాదేశ్ 35.5 ఓవర్లలో 150 పరుగులకే కుప్పకూలింది. మహమ్మద్ షిహాబ్ జేమ్స్(26), రోహనత్(21 నాటౌట్) రాణించారు. పాకిస్థాన్ బౌలర్లలో ఉబైద్ షా(5/44) ఐదు వికెట్లతో బంగ్లాపై విరుచుకుపడ్డాడు. తన బౌలింగ్తో పాక్‌కు థ్రిల్లింగ్ విక్టరీని అందించాడు. అతడితో పాటు అలి రాజా మూడు వికెట్లు పడగొట్టగా, మహమ్మద్ జీషాన్ ఓ వికెట్ తీశాడు. ఇక ఈ విజయంతో పాక్ నాలుగో జట్టుగా సెమీఫైనల్ బెర్త్ను ఖరారు చేసుకోగా ఇప్పటికే టీమ్ఇండియా, ఆస్ట్రేలియా, సౌతాఫ్రికా సెమీస్ అర్హత సాధించాయి.
మంగళవారం(ఫిబ్రవరి 6) జరిగే తొలి సెమీ ఫైనల్లో టీమ్ఇండియా - సౌతాఫ్రికా తలపడనున్నాయి. అనంతరం గురువారం జరిగే రెండో సెమీ ఫైనల్లో ఆస్ట్రేలియా పాకిస్థాన్ పోటిపడనున్నాయి. కాగా, గ్రూప్-1లో ఇప్పటికే టీమ్ఇండియా, పాక్ నాలుగింటికి నాలుగు మ్యాచ్‌లు గెలిచి జోరు మీదున్నాయి. గ్రూప్-2లో ఆస్ట్రేలియా, సౌతాఫ్రికా మూడేసి మ్యాచ్‌ల్లో గెలిచాయి. ఆస్ట్రేలియా, వెస్టిండీస్ మధ్య జరగాల్సిన మ్యాచ్ వర్షం కారణంగా క్యాన్సిల్ అయిపోయింది. సో సెమీస్లో ఆస్ట్రేలియాపై పాకిస్థాన్, దక్షిణాఫ్రికాపై టీమ్ఇండియా విజయం సాధిస్తే ఫైనల్లో భారత్ - పాక్ తలపడొచ్చు. దీంతో భారత్ - పాక్ ఫైనల్ మ్యాచ్ లోడింగ్ అంటూ అభిమానులు కామెంట్ చేస్తున్నారు.
-
🔸Pakistan into the semi-finals 👊
— ICC (@ICC) February 3, 2024
🔸A historic first for Ireland 🎇
🔸England sign off with a win 👏
All the updates from the last round of #U19WorldCup Super Six matches 👇https://t.co/bSXLXU2AVR
బుమ్రా బౌలింగ్ దెబ్బ - బ్యాట్‌ కిందపడేసిన బెన్‌స్టోక్స్‌
రఫ్పాడించిన బుమ్రా- ఇంగ్లాండ్ 253 ఆలౌట్- 171 రన్స్ లీడ్లో భారత్
