Jasprit Bumrah England Series : విశాఖ వేదికగా ఇంగ్లాండ్‌తో జరుగుతున్న రెండో టెస్టులో టీమ్ఇండియా చెలరేగిపోతోంది. ముఖ్యంగా శనివారం జరిగిని ఇన్నింగ్స్లో అద్భుతమైన పర్ఫామెన్స్ చూపించి అభిమానుల్లో జోష్ నింపింది. అయితే అందరి దృష్టి మాత్రం మన యార్కర్ కింగ్ జస్ప్రీత్ బుమ్రాపై పడింది.
తొలి ఇన్నింగ్స్లో ఏకంగా ఆరు వికెట్లు పడగొట్టి ఇంగ్లాండ్ జట్టును షాక్కు గురిచేశాడు. దీంతో తొలి ఇన్నింగ్స్‌లోనే ఇంగ్లీష్ జట్టు 253 పరుగులకు ఆలౌటైంది. అయితే ఇదే వేదికపై ఓ ఆసక్తికరమైన ఘటన జరిగింది. ఈ మ్యాచ్‌లో మన టాప్ పేసర్‌ అద్భుతమైన డెలివరీతో అర్ధ శతకం దిశగా సాగుతున్న ఇంగ్లాండ్ కెప్టెన్‌ బెన్‌స్టోక్స్ను(47) పెవిలియన్‌కు పంపాడు.
బుమ్రా వేసిన ఇన్నింగ్స్ 50వ ఓవర్‌లో తొలి బంతిని స్టోక్స్ ఎదుర్కొన్నప్పటికీ ఆ సమయంలో పరుగులేమీ రాలేదు. దీంతో రెండో బంతి వేస్తున్నప్పుడు బుమ్రా తన బౌలింగ్ స్కిల్ను చూపించాడు. కట్టర్‌ సంధించి స్టోక్స్‌ను దెబ్బకొట్టాడు. ఆఫ్‌ స్టంప్‌ దిశగా తక్కువ ఎత్తులో వచ్చిన ఆ బాల్ను స్టోక్స్ డిఫెండ్ చేయబోయాడు. అయితే అది బాల్ కాస్త మిస్‌ అయి ఆఫ్‌ స్టంప్‌ను పడగొట్టింది. దీంతో స్టోక్స్ వెనక్కి తిరిగి చూడకుండానే బ్యాట్ కింద పడేసి ' ఈ బాల్ను ఎలా ఆడాలి'? అన్నట్టుగా స్టోక్స్ నిరాశతో పెవిలియన్ బాట పట్టాడు. ప్రస్తుతం దీనికి సంబంధించిన వీడియో నెట్టింట ట్రెండ్ అవుతోంది. మరోవైపు స్టోక్స్‌ను ఔట్‌ చేయడం ద్వారా బుమ్రా టెస్టుల్లో 150 వికెట్ల మైలురాయిని అందుకున్నాడు.
Ind Vs Eng 2nd Test 2nd Day : ఇక, మ్యాచ్‌ విషయానికొస్తే - ఇంగ్లాండ్ 253 పరుగులకు ఆలౌట్ కావడం వల్ల తొలి ఇన్నింగ్స్లో రోహిత్ సేనకు 143 పరుగుల ఆధిక్యం లభించింది. దీంతో రెండోరోజు ఆట ముగిసేసరికి టీమ్ఇండియా ఒక్క వికెట్ నష్టపోకుండా 28 పరుగులు చేసింది. ప్రస్తుతం భారత్ ఆధిక్యం 171 పరుగలు ఉండగా, రోహిత్ శర్మ (13*), యశస్వి జైస్వాల్ (15*) క్రీజులో ఉన్నారు.
రఫ్పాడించిన బుమ్రా- ఇంగ్లాండ్ 253 ఆలౌట్- 171 రన్స్ లీడ్లో భారత్
యార్కర్ కింగ్ ఈజ్ బ్యాక్- 'బుమ్రా' బంతికి పోప్ క్లీన్బౌల్డ్- వీడియో చూశారా?
