Rohit Sharma Test Century: రాజ్కోట్ వేదికగా ఇంగ్లాండ్తో జరుగుతున్న మూడో టెస్టులో టీమ్ఇండియా కెప్టెన్ రోహిత్ శర్మ సెంచరీ (131 పరుగులు: 196 బంతుల్లో; 14x4, 3x6)తో కదం తొక్కాడు. 155 బంతుల్లో శతరం పూర్తి చేసి టెస్టు కెరీర్లో 11వ సెంచరీ అందుకున్నాడు. కాగా, మూడు ఫార్మాట్లలో కలిపి ఓవరాల్గా రోహిత్కు ఇది 47వ అంతర్జాతీయ శతకం.
ఈ ఇన్నింగ్స్తో రోహిత్ మరికొన్ని రికార్డులు అందుకున్నాడు. టెస్టుల్లో రోహిత్ టీమ్ఇండియా తరఫున అత్యధిక సిక్స్ (79)లు బాదిన రెండో క్రికెటర్గా నిలిచాడు. అతడు ఈ ఇన్నింగ్స్లో మాజీ కెప్టెన్ మహేంద్రసింగ్ ధోనీ (78)ని అధిగమించాడు. కాగా, మాజీ ప్లేయర్ వీరేంద్ర సెహ్వాగ్ (90) ఈ లిస్ట్లో టాప్లో ఉన్నాడు. ఇక కెప్టెన్గా మూడు ఫార్మాట్లలో కలిపి అత్యధిక సిక్స్లు బాదిన భారత ప్లేయర్గాను రోహిత్ రికార్డు కొట్టాడు. ప్రస్తుతం రోహిత్ 212 సిక్స్లతో టాప్లో ఉన్నాడు. ఓవరాల్గా ఇంగ్లాండ్ ప్లేయర్ ఇయాన్ మోర్గాన్ (233) తర్వాత రెండో స్థానంలో ఉన్నాడు.
ఇక టాస్ నెగ్గి బ్యాటింగ్ ఎంచుకున్న భారత్కు ఆరంభంలోనే ఎదురుదెబ్బ తగిలింది. యువ బ్యాటర్లు యశస్వి జైశ్వాల్ (10), శుభ్మన్ గిల్ (0) స్వల్ప వ్యవధిలోనే ఔటయ్యారు. ఇక మిడిల్లో వచ్చిన రజత్ పటీదార్ (5) మరోసారి విఫలమయ్యాడు. అతడు స్పిన్నర్ హార్ట్లీ బౌలింగ్లో క్యాచౌట్గా పెవిలియన్ చేరాడు. 33 పరుగులకే కీలకమైన 3 వికెట్లు కోల్పోయిన దశలో రోహిత్, ఆల్రౌండర్ రవీంద్ర జడేజాతో కలిసి ఇన్నింగ్స్ను గాడిలో పెట్టాడు. మరో వికెట్ పడకుండా జాగ్రత్తగా ఆడిన రోహిత్- జడేజా స్కోర్ బోర్డును ముందుకు నడిపించాడు. ఈ క్రమంలోనే రోహిత్ హాఫ్ సెంచరీ పూర్తి చేసుకున్నాడు. ఆ తర్వాత కూడా ఇంగ్లాండ్ బౌలర్లలకు ఛాన్స్ ఇవ్వలేదు. మరోఎండ్లో ఉన్న జడేజా కూడా ఫిఫ్టీ కంప్లీట్ చేసుకున్నాడు. వీరిద్దరూ నాలుగో వికెట్కు 204 భారీ భాగస్వామ్యం నెలకొల్పారు. సెంచరీ తర్వాత దూకుడు పెంచిన రోహిత్ 131 పరుగుల వద్ద భారీ షాట్కు ప్రయత్నించి పెవిలియన్ చేరాడు.
ఆ ఇద్దరు అరంగేట్రం: ఈ మ్యాచ్లో యంగ్ ప్లేయర్లు సర్ఫరాజ్ ఖాన్, ధ్రువ్ జురెల్ అంతర్జాతీయ అరంగేట్రం చేశారు. సర్ఫరాజ్కు మాజీ ప్లేయర్ అనిల్ కుంబ్లే క్యాప్ అందించగా, సీనియర్ క్రికెటర్ దినేశ్ కార్తిక్ చేతులమీదుగా జురెల్ డెబ్యూ క్యాప్ అందుకున్నాడు.
రితికా విషయంలో యువీ స్ట్రాంగ్ వార్నింగ్ - రోహిత్ను అలా అన్నాడట!
క్రికెట్ ఫ్యాన్స్కు గుడ్ న్యూస్ - రోహిత్ సారథ్యంలోనే టీ20 ప్రపంచకప్‌
