Aus vs Nz Test 2024: న్యూజిలాండ్ స్టార్ బ్యాటర్ కేన్ విలియమ్సన్ ప్రస్తుతం ఆస్ట్రేలియాతో టెస్టు సిరీస్లో ఆడుతున్నాడు. ఇరుజట్ల మధ్య తొలి టెస్టు ఫిబ్రవరి 29న ప్రారంభమైంది. అయితే ప్రస్తుతం టెస్టు క్రికెట్లో అత్యుత్తమ ఫామ్లో ఉన్న విలియమ్సన్ ఈ మ్యాచ్ తొలి ఇన్నింగ్స్లో పరుగుల ఖాతా తెరవకుండానే రనౌట్గా పెవిలియన్ చేరాడు. అయితే గత 12ఏళ్లలో విలియమ్సన్ టెస్టుల్లో రనౌట్ అవ్వడం ఇదే తొలిసారి కావడం విశేషం. అతడు 2012జనవరలో జింబాబ్వేతో జరిగిన మ్యాచ్లో టెస్టుల్లో చివరిసారిగా రనౌట్ అయ్యాడు.
ఇన్నింగ్స్ ఆరో ఓవర్లో ఆసీస్ పేసర్ వేసిన బంతిని విలియమ్సన్ స్ట్రయిట్ డ్రైవ్ ఆడాడు. వెంటనే పరుగు కోసం విలియమ్సన్ క్రీజను వదిలి ముందుకు పరిగెత్తాడు. ఈ క్రమంలో నాన్ స్ట్రైక్ ఎండ్లో ఉన్న విల్ యంగ్- విలియమ్సన్ ఢీకొట్టాడు. ఇంతలో అక్కడే ఫీల్డింగ్ చేస్తున్న లబూషేన్ చురుగ్గా స్పందించి బంతిని స్టంప్స్ వైపు విసిరాడు. అంతే విలియమ్సన్ పరుగు పూర్తి చేయకముందే బంతి స్టంప్స్ను తాకింది. దీంతో అతడు పెవిలియన్ బాట పట్టాల్సి వచ్చింది. ఇక గత ఏడు టెస్టుల్లో ఏడు సెంచరీలు బాదిన విలియమ్సన్ ఈ ఇన్నింగ్స్లో డకౌట్ అయ్యాడు. అయితే ఇదే మ్యాచ్లో ఆసీస్ స్టార్ బ్యాటర్ స్టీవ్ స్మిత్ కూడా రెండో ఇన్నింగ్స్లో డకౌట్ అయ్యాడు. ఒకే టెస్టు మ్యాచ్లో వేర్వేరు జట్లలోని దిగ్గజ ఆటగాళ్లు డకౌట్ అవ్వడం చాలా అరుదు.
ఇక మ్యాచ్ విషయానికొస్తే, తొలి ఇన్నింగ్స్లో ఆసీస్ 383 పరుగులకు ఆలౌటైంది. యంగ్ ఆల్రౌండర్ కామెరూన్ గ్రీన్ (174 పరుగులు; 23x4, 5x6) ఒక్కడే భారీ ఇన్నింగ్స్తో చెలరేగాడు. దీంతో ఆసీస్ ఆ స్కోర్ సాధించగలిగింది. కివీస్ బౌలర్లలో మ్యాట్ హెన్రీ 5 వికెట్ల పడగొట్టి ఆసీస్ పతనాన్ని శాసించాడు. ఇక తొలి ఇన్నింగ్స్లో కివీస్ 179 పరుగులకే 10 వికెట్లు కోల్పోయింది. విలియమ్సన్తో పాటు యంగ్ బ్యాటర్ రచిన్ రవీంద్ర కూడా పరుగుల ఖాతా తెరవకుండానే పెవిలియన్ చేరాడు.
కేన్ మామ ఫ్యామిలీలోకి కొత్త మెంబర్ - ఫొటో చూశారా ?
టెస్టుల్లో కేన్ దూకుడు - రెండు ఇన్నింగ్స్లో మూడు రికార్డులు
