Anushka Sharma RCB : బాలీవుడ్ స్టార్ హీరోయిన్ అనుష్క శర్మ శనివారం చిన్నస్వామీ స్టేడియంలో సందడి చేసింది. గత కొంత కాలంగా సినిమాలకు దూరంగా ఉంటున్న ఆమె, ఆ తర్వాత తన కుమారుడు అకాయ్కు జన్మనిచ్చేందుకు లండన్కు వెళ్లింది. అక్కడ కొంత కాలంపాటు ఉండి, తాజాగా ఇండియాకు తిరిగివచ్చింది. అయితే ఇండియా వచ్చాక కూడా అంతగా బయట ఎక్కడా కనిపించలేదు. కానీ తాజాగా గుజరాత్, ఆర్సీబీ మధ్య జరిగిన మ్యాచ్కు అనుష్క హాజరైంది. స్టాండ్స్లో కూర్చుని తన భర్త విరాట్ కోహ్లీ అలాగే బెంగళూరు టీమ్కు సపోర్ట్ చేస్తూ కనిపించింది. ప్రస్తుతం దీనికి సంబంధించిన ఫొటోలు, వీడియోలు నెట్టింట ట్రెండ్ అవుతోంది. తన భర్త ఆడుతున్న సమయంలో ఆమె ఇచ్చిన ఎక్స్ప్రెషన్స్ కూడా సోషల్ మీడియాలో వైరల్ అవుతున్నాయి.
అకాయ్ పుట్టిన తర్వాత ఇది ఆమె మొదటి పబ్లిక్ అప్పియరెన్స్. కానీ అంతకంటే ముందు ఆమె ఆమె తన పుట్టినరోజు వేడుకల్లో కనిపించి ఆకట్టుంది. ఆ పార్టీకీ అనుష్కతో పాటు విరాట్ కోహ్లీ, ఆర్సీబీ కెప్టెన్ ఫాఫ్ డుప్లెసిస్, గ్లెన్ మ్యాక్వెల్ దంపతులు హాజరై సందడి చేశాడు. బెంగళూరులోని ఓ రెస్టారెంట్లో అతి కొద్దిమంది సన్నిహితుల సమక్షంలో ఈ వేడుక జరిగనట్లు తెలుస్తోంది. ఇక ఆ మూమెంట్స్ను సోషల్ మీడియా వేదికగా విరాట్, అనుష్కతో పాటు డుప్లెసిస్ కూడా నెట్టింట షేర్ చేశారు.
ఇక విరాట్ తాజాగా అనుష్క బర్త్డే రోజు షేర్ చేసిన పోస్ట్ సోషల్ మీడియాలో వైరల్ అవుతోంది. "నువ్వు లేకపోతే నాకు జీవితమే లేదు. నా జీవితానికి నువ్వు ఓ వెలుగువి. హ్యాపీ బర్త్డే" అంటూ స్పెషల్ విషెస్ తెలిపాడు. అనుష్కతో గడిపిన బ్యూటిఫుల్ మూమెంట్స్కు సంబంధించిన ఫొటోలను షేర్ చేసి ఎమోషనలయ్యాడు.
ఇక స్టార్ క్రికెటర్గా ఫామ్లో ఉన్న సమయంలో విరాట్ అనుష్క మధ్య ప్రేమ చిగురించింది. ఓ షాంపూ యాడ్లో భాగమైన ఈ జంట అప్పటి పరిచయాన్ని క్రమక్రమంగా ప్రేమగా మలుచుకున్నారు. ఆ తర్వాత పెద్దలను ఒప్పించి 2017లో ఇటలీ వేదికగా డెస్టినేషన్ వెడ్డింగ్ ద్వారా విరాట్- అనుష్క ఒక్కటయ్యారు. అప్పట్లో ఈ పెళ్లి ట్రెండ్ సెట్ చేసి అనేక సెలబ్రిటీ పెళ్లిల్లకు థీమ్గా మారింది. ఇక ఈ జంట 2021లో వామిక అనే పాపకు తల్లిదండ్రులయ్యారు. ఆ తర్వాత ఇప్పుడు 2024లో అకాయ్ అనే కుమారుడికి జన్మనిచ్చింది. అనుష్క శర్మ. అయితే ఆమె గత కొంతకాలంగా సినిమాలకు దూరంగా ఉంటూ తన ఫ్యామిలీతో క్వాలిటీ టైమ్ను స్పెండ్ చేస్తోంది. త్వరలో చక్దా ఎక్స్ప్రెస్ అనే సినిమాతో అభిమానులను ముందుకు రానుంది.
