Polimera Actress Dasari Sahithi MP Nomination : సినీ ఇండస్ట్రీకి చెందిన కొందరు నటీనటులు ఎన్నికల బరిలో నిలవడం సర్వసాధారణం అయిపోయింది. నాటి తరం నేటి తరం వరకు చాలా మంది సినీ ప్రముఖులు రాజకీయరంగ ప్రవేశం చేసి తమ అదృష్టాన్ని పరీక్షించుకుంటున్నారు. ఇప్పుడు తాజాగా ఆ లిస్ట్లోకి మరో నటి చేరారు. ఆమె ఎవరో కాదు పొలిమేర సిరీస్ చిత్రాలతో మంచి గుర్తింపు తెచ్చుకున్న నటి దాసరి సాహితి. ఇప్పుడు ఆమె ఎన్నికల బరిలో పోటీపడుతున్నారు.
రంగారెడ్డి జిల్లా చేవెళ్ల పార్లమెంట్ నియోజకవర్గ స్థానానికి స్వతంత్ర అభ్యర్థిగా దాసరి సాహితి పోటీలో నిలిచారు. ఈ మేరకు బుధవారం ఆమె నామినేషన్ దాఖలు చేశారు. రాజేంద్రనగర్లోని ఆర్వో కార్యాలయంలో ఆర్వో శశాంకకు నామినేషన్ పత్రాలను సమర్పించారు. ఆంధ్రప్రదేశ్లో పుట్టి హైదరాబాద్లో స్థిరపడిన నటి సాహితీ మోడలింగ్, సినీ రంగంలో రాణిస్తున్నారు. రాజేంద్రనగర్ నియోజకవర్గంలో నటి సాహితీ ఓటరుగా ఉన్నారు. చేవెళ్ల పార్లమెంటు స్థానానికి స్వతంత్ర అభ్యర్థిగా పోటీ చేయాలని నిర్ణయించుకుని నామినేషన్ దాఖలు చేశారు.
రంజిత్‌ రెడ్డి, మహేందర్‌ రెడ్డి ఆస్కార్‌ నటుల కంటే ఎక్కువగా నటించారు : కేటీఆర్‌
ఎన్నికల అఫిడవిట్లో వివరాలు : ఈ మేరకు తన ఆర్థిక పరిస్థితిని వివరిస్తూ నామినేషన్ పత్రాలతో అఫిడవిట్ను దాఖలు చేశారు. తన చేతిలో రూ.74 వేలు నగదు, యాక్సిస్ బ్యాంకు ఖాతాలో రూ.8000, తన పేరుతో రూ.3 లక్షల విలువైన బంగారం ఉందని అఫిడవిట్లో సాహితీ పేర్కొన్నారు. తన వార్షిక ఆదాయం గత ఆర్థిక సంవత్సరానికి రూ.4,98,810గా ఉన్నట్లు వెల్లడించారు.
సాహితీ సినీ జీవితం : మేక సూరి చిత్రంతో నటిగా సాహితీ సినీ ప్రయాణం మొదలైంది. ఆ తర్వాత సోలో బతుకే సో బెటర్, భోళా శంకర్, మా ఊరి పొలిమేర, సర్కార్ నౌకరి లాంటి చిత్రాల్లో నటించారు. అయితే సినిమా విషయానికి వస్తే పొలిమేర, పొలిమేర 2 సినిమాల్లో దాసరి సాహితీ తన నటనతో ఆకట్టుకున్నారు. మొదటిభాగంలో గెటప్ శ్రీను భార్య రాములు పాత్రలో నటించిన ఆమె సీక్వెల్లో రాజేశ్తో కలిసి నటించారు. ఇటీవల తన ఇన్స్టా వేదికగా రాజకీయాల గురించి ఆసక్తికరమైన వ్యాఖ్యలు చేశారు. తాను పవన్కల్యాణ్ అభిమానిని చెప్పిన సాహితీ, ఇన్స్టాలో తాను రీల్స్ చేసే పాటలకు పొలిటికల్ విషయాలను ఆపాదించొద్దని అన్నారు.
'కరప్షన్, కుటుంబ పాలనకు కేరాఫ్ కాంగ్రెస్ పార్టీ - ఈసారి తెలంగాణలో మెజార్టీ స్థానాల్లో గెలవబోతున్నాం'
