Tillu Square Collections: టాలీవుడ్ యంగ్ హీరో సిద్ధు జొన్నలగడ్డ- అనుపమ పరమేశ్వరణ్ బ్లాక్బస్టర్ మూవీ టిల్లు స్క్వేర్ బాక్సాఫీస్ వద్ద కాసుల వర్షం కురిపిస్తోంది. సినిమా విడుదలై 9 రోజులు గడుస్తున్నా ఇప్పటికీ హౌస్ఫుల్ షోస్లో టిల్లు స్వ్కేర్ దూసుకుపోతోంది. ఈ క్రమంలోనే సినిమా రూ.100 కోట్ల మార్క్ క్రాస్ చేసినట్లు మూవీటీమ్ అఫీషియల్గా అనౌన్స్ చేసింది.
మార్చి 29న థియేటర్లలోకి వచ్చిన టిల్లు స్క్వేర్, రెండో వీకెండ్లో కూడా జోరు ప్రదర్శిస్తోంది. రెండు తెలుగు రాష్ట్రాలు, తమిళనాడు, కర్ణాటకలో కలిపి దాదాపు రూ.4 కోట్ల కలెక్షన్లు సాధించింది. వీటితో కలిపి తెలుగు రాష్ట్రాల కలెక్షన్స్ రూ.58 కోట్లు దాటింది, ఇక కర్ణాటకలో రూ. 5 కోట్ల కలెక్షన్లు దాటింది. ఇక రెండో వారాంతంతో పాటు ఉగాది పండుగ కూడా కలిసి వచ్చింది. దీంతో కలెక్షన్ల జోరు కొనసాగచ్చు అని ఇండస్ట్రీ నిపుణులు అభిప్రాయపడుతున్నారు. ఈ సినిమా కలెక్షన్లు సిద్ధుని స్టార్ హీరోని చేశాయి. గతంలో 2022లో ఒక ఇంటర్వ్యూలో తను కూడా మరో 3 సంవత్సరాలలో రూ.100కోట్ల క్లబ్లో చేరాలని ఆశపడుతున్నట్టు చెప్పాడు. సరిగ్గా రెండు సంవత్సరాల తర్వాత టిల్లు స్వ్కేర్తో తన కలను నెరవేర్చుకున్నాడు సిద్ధు. డీజే టిల్లుతో ఎంత ప్రభంజనం సృష్టించాడో ఇప్పుడు టిల్లు స్క్వేర్ తో దానికి డబుల్ స్పీడ్ తో అనుకున్నది సాధించాడు.
Tillu Square Overseas Collection: టిల్లు స్క్వేర్ దేశవ్యాప్తంగానే కాదు, ఓవర్సీస్లోనూ అదిరిపోయే కలెక్షన్లు సాధిస్తోంది. ఎనిమిది రోజుల్లో ఈ సినిమా రూ.23.25 కోట్ల వసూళ్లు సాధించినట్లు ట్రేడ్ వర్గాల టాక్. ఇక ఈ సినిమాకు మూడో భాగం కూడా రానున్నట్లు మేకర్స్ అప్పుడే అనౌన్స్ చేసేశారు. మూడో సీక్వెల్లో మొదటి భాగంలో నటించిన నేహా శర్మ, రెండో భాగంలో నటించిన అనుపమ కూడా ఒక ముఖ్యమైన పాత్రల్లో నటించే అవకాశం ఉందని సమాచారం. సిద్ధుకి పేరుతో పాటు బ్లాక్ బస్టర్ హిట్స్ ఇస్తున్న ఈ 'టిల్లు యూనివర్స్'లో ఇంకెన్ని సినిమాలు వస్తాయో, ఇంకెంతమంది రాధిక, లిల్లీలతో టిల్లు ఎన్ని పాట్లు పడతాడో చూడాలి.
- " class="align-text-top noRightClick twitterSection" data="">
టిల్లు గాడి కోసం రంగంలోకి ఎన్టీఆర్ - 8 రోజుల్లో ఎన్ని కోట్లు వచ్చాయంటే? - Tillu Square Collections
