The Last Hour Series : ఓటీటీలో ప్రతి వారం ఎన్నో వెబ్ సిరీసులు వస్తుంటాయి. సదరు ఓటీటీ ప్లాట్ఫామ్ సంస్థలు స్వయంగా నిర్మించి మరీ వాటిని విడుదల చేస్తుంటాయి. అలాంటి వాటిలో ది లాస్ట్ అవర్ కూడా ఒకటి. ఫస్ట్ ఎపిసోడ్ నుంచి లాస్ట్ ఎపిసోడ్ వరకు థ్రిల్లింగ్గా సాగుతూ ఆడియెన్స్కు సీట్ ఎడ్జ్ థ్రిల్ను పంచుతోంది. ఇందులో సంజయ్ కపూర్, కర్మ తకాపా, షేలీ కే లీడ్ రోల్స్లో నటించారు.
ఈ సిరీస్ మొత్తం ఎనిమిది ఎపిసోడ్లతో అమెజాన్ ప్రైమ్లో 2021లో రిలీజైంది. ఒక్కో ఎపిసోడ్ కనీసం 30 నిమిషాల నిడివితో ఉత్కంఠగా సాగుతుంటుంది. సిరీస్ మొత్తంలో ఇన్వెస్టిగేషన్ సీన్స్(కేసును దర్యాప్తు చేసే సన్నివేశాలు) బాగా మెప్పిస్తున్నాయి. పోలీసుల చేతికి చిక్కకుండా హత్యలు చేయడం, హంతకుడిని కనిపెట్టేందుకు అధికారులు ప్రయత్నిస్తుండటం, ఈ క్రమంలో వారు ఆత్మలతో మాట్లాడటం, మరోవైపు ప్రజలు తమ ప్రాణాలను అరచేతుల్లో పెట్టుకుని భయంభయంగా ఉండటం ఇలా సిరీస్ మొత్తం ఇన్టెన్స్గా సాగుతూ ముందుకు వెళ్తుంది.
కథ ఇదే : ముంబయిలో అరుప్(సంజయ్ కపూర్) అనే పోలీసు అధికారి ఉంటాడు. ఓ బెంగాలీ నటి మర్డర్ కేసును సాల్వ్ చేసేందుకు అతడిని ఈశాన్య రాష్ట్రానికి పంపిస్తారు. అయితే అక్కడ మరిన్ని వరుస మర్డర్లు జరగడం కలకలం రేపుతుంది. ప్రజలు భయపడుతూ ఉంటారు. ఎవరీ హత్యలు చేస్తున్నారు? ఎందుకు చేస్తున్నారు? అసలు ఆ హంతకుడి మోటో ఏంటి తెలీక పోలీసు అధికారులు తమ దర్యాప్తును మరింత లోతుగా తీసుకెళ్తుంటారు.
అయితే అరుప్కు సాయంగా ఈ కేసు దర్యాప్తులో దేవ్(కర్మా తపాకా) జాయిన్ అవుతాడు. విశేషమేమిటంటే దేవ్కు ఆత్మలతో మాట్లాడే శక్తి ఉంటుంది. లోకాన్ని వదిలి వెళ్లకుండా ఇక్కడే తిరుగుతూ ఉండే ఆత్మలతో అతడు మాట్లాడుతూ ఉంటాడు. ఈ క్రమంలోనే ఈ హత్యలకు సంబంధించిన కేసులో ఆత్మలతో కలిసి హంతకుడిని పట్టుకునేందుకు సిద్ధమవుతారు దేవ్, అరుప్. మరి చివరికి ఈ ఆత్మల సాయంతో హంతుకుడిని వాళ్లు పట్టుకున్నారా? కేసును ఛేదించారా? లేదా అన్నదే ఈ సిరీస్ కథ.
- " class="align-text-top noRightClick twitterSection" data="">
సీక్రెట్గా బాలయ్య బాబు పరిచయం చేసిన బ్యూటీ పెళ్లి - ఫ్యాన్స్ సర్ప్రైజ్!
ఆ నిర్మాతతో జబర్దస్త్ రోహిణి ప్రేమాయణం -స్టేజ్ మీద నటి క్లారిటీ!
