RC 16 Movie : గ్లోబల్ స్టార్ రామ్ చరణ్ ప్రస్తుతం 'గేమ్ ఛేంజర్' షూటింగ్లో బిజీగా ఉన్నారు. దీని తర్వాత ఆయన 'ఉప్పెన' ఫేమ్ డైరెక్టర్ బుచ్చిబాబు సనాతో ఓ సినిమా చేయనున్నారు. ఆర్సీ 16 అనే వర్కింగ్ టైటిల్తో ప్రస్తుతం ఈ సినిమా రూపొందనుంది. ఇప్పటికే ఈ సినిమాలో 'దేవర' హీరోయిన్ బాలీవుడ్ బ్యూటీ జాన్వీ కపూర్ నటిస్తున్నట్లు అఫీషియల్ అనౌన్స్మెంట్ వచ్చింది. అయితే తాజాగా ఈ సినిమా గురించి ఓ సాలిడ్ అప్డేట్ నెట్టింట తెగ ట్రెండ్ అవుతోంది.
సినీ వర్గాల సమాచారం ప్రకారం ఈ చిత్రం త్వరలోనే సెట్స్పైకి వెళ్లనుందట. దీనికి సంబంధించిన సన్నాహాల్లో మేకర్స్ బిజీగా ఉన్నట్లు తెలుస్తోంది. మార్చి 20న పూజా కార్యక్రమంతో ఈ సినిమా షూటింగ్ ప్రారంభం కానున్నట్లు సమాచారం. ఇప్పటికే ఈ సిినిమా ప్రీ ప్రొడక్షన్ పనులు శరవేగంగా జరుగుతున్నాయి. దీంతో త్వరలోనే సినిమా షూట్ ప్రారంభమవ్వనుంది.
ఆ టైటిల్తో మూవీ షురూ!
RC 16 Title : మరోవైపు ఈ మూవీకి 'పెద్ది' అనే టైటిల్ను మేకర్స్ ఫిక్స్ చేసినట్లు తెలుస్తోంది. గతంలో ఇదే టైటిల్ను జూనియర్ ఎన్టీఆర్ సినిమా కోసం బుచ్చిబాబు రిజిస్టర్‌ చేశారని, దాన్నే ఇప్పుడు రామ్ చరణ్ సినిమాకు పెడుతున్నట్లు సమాచారం. అయితే ఈ విషయంపై ఇంకా అఫీషియల్ అనౌన్స్మెంట్ రావాల్సి ఉంది.
RC 16 Cast : ఇక ఆర్సీ 16 సినిమా విషయానికి వస్తే, ఇందులో రామ్ చరణ్, జాన్వీ కపూర్తో పాటు కన్నడ స్టార్ హీరో శివరాజ్ కుమార్ కీలక పాత్ర పోషిస్తున్నారు. మ్యూజికల్ సెన్సేషన్ ఏఆర్ రెహమాన్ సంగీతాన్ని అందిస్తున్నారు. మైత్రి మూవీ మేకర్స్, వృద్ధి సినిమాస్‌, సుకుమార్‌ రైటింగ్స్‌ సంస్థలు సంయుక్తంగా ఈ సినిమాను భారీగా నిర్మిస్తున్నాయి. అయితే స్పోర్ట్స్‌ డ్రామా బ్యాక్డ్రాప్తో పాటు గ్రామీణ నేపథ్యంలో ఈ కథ సాగనుందని టాక్ నడుస్తోంది. ఇందులో రామ్ చరణ్ పాత్ర పవర్‌ఫుల్‌గా ఉంటుందని, అలానే ఆయన ఓ వికలాంగుడి పాత్రలోనూ కనిపిస్తారని సమాచారం.
RC16 హీరోయిన్ అఫీషియల్ అనౌన్స్మెంట్ వచ్చేసింది - చరణ్ సరసన ఎవరంటే?
'గేమ్ ఛేంజర్' అప్డేట్ - 'జరగండి' అంటూ వస్తున్న రామ్చరణ్! ఫస్ట్ సాంగ్ ఎప్పుడంటే?
