Balakrishna Mokshagna with Taraka Ratna children : నందమూరి తారకరత్న గతేడాది గుండెపోటుతో కన్నుమూసిన సంగతి తెలిసిందే. దీంతో నందమూరి ఫ్యామిలీ, అభిమానులు ఎంతో బాధపడ్డారు. ముఖ్యంగా బాలకృష్ణ అయితే చాలా ఎక్కువగా బాధ పడ్డారు. తారకరత్న చనిపోయిన తర్వాత ఆయన కుటుంబ భాద్యతను బాలకృష్ణ చూసుకుంటున్నారని కూడా తెలిసింది. ఎప్పటికప్పుడు వారి బాగోగులు చూసుకుంటూ, అప్పుడప్పుడు కలుస్తూ, పలకరిస్తూ ఆ కుటుంబానికి తానున్న ధైర్యాన్ని ఇస్తూ వస్తున్నారు. తాజాగా కూడా బాలయ్య తారకరత్న ఫ్యామిలీని కలిశారు. ఈ సారి బాలయ్యతో పాటు ఆయన తనయుడు మోక్షజ్ఞ కూడా తారకరత్న ఫ్యామిలీని కలిశారు.
తారకరత్న పిల్లలతో కలిసి బాలయ్య, మోక్షజ్ఞ ఫోటోలు కూడా దిగారు. ఆ పిక్స్ను తారకరత్న భార్య అలేఖ్య తన సోషల్ మీడియా ఖాతాలో షేర్ చేసింది. "నేను ఏ వైపు ఉన్నానని నన్ను చాలా సార్లు అడుగుతూ వస్తున్నారు. నేను మానవత్వం, ప్రేమ, ముఖ్యంగా నా కుటుంబం వైపు ఉన్నాను. మావయ్య (బాలయ్య) మీకు అంతా మంచి జరగాలని కోరుకుంటున్నాను. ఓబు, పిల్లలు, నేను మిమ్మల్ని ఎంతగానో ప్రేమిస్తున్నాము" అంటూ బాలయ్యపై తనకున్న అభిమానాన్ని చెప్పుకొచ్చింది.
ప్రస్తుతం ఈ ఫొటో, కామెంట్స్ సోషల్ మీడియాలో ట్రెండింగ్ అవుతున్నాయి. మోక్షజ్ఞ, బాలయ్య, తారకరత్న ఫ్యామిలీని కలిసి కనిపించడంతో నందమూరి ఫ్యాన్స్ బాగా హ్యాపీగా ఫీలవుతున్నారు. ఈ ఫోటోను షేర్ చేస్తూ తమ సంతోషాన్ని వ్యక్తం చేస్తున్నారు. ముఖ్యంగా బాలయ్యను ప్రశంసలతో ముంచెత్తుతున్నారు.
Balakrishna Upcoming Movies : ఇకపోతే బాలయ్య ప్రస్తుతం ఏపీ ఎలక్షన్స్ దగ్గరపడడంతో ప్రచార సభల్లో ఫుల్ బిజీగా ఉంటున్నారు. ఇది పూర్తవ్వగానే బాబీ దర్శకత్వంలో తెరకెక్కుతున్న ఎన్బీకే 109 సినిమాతో ప్రేక్షకులను పలకరించనున్నారు. పక్కా యాక్షన్ మోడ్లో ఇది తెరకెక్కుతోంది. రీసెంట్గా రిలీజైన గ్లింప్స్ కూడా ఫ్యాన్స్లో పూనకాలను తెప్పించింది. అనంతరం ఎన్బీకే 110గా బోయపాటి శ్రీనుతో కలిసి అఖండ 2 చేస్తారని ప్రచారం సాగుతోంది. దీనిపై అఫీషియల్ కన్ఫర్మేషన్ ఇంకా రాలేదు.
వీకెండ్ స్పెషల్ - టాప్ 10 ట్రెండింగ్ సిరీస్ ఇవే! మీరేం చూస్తారు? - Top 10 OTT Webseries
200 మిలియన్ ప్లస్ - నెట్టింట కుర్చి మడతపెట్టి సాంగ్ ర్యాంపేజ్! - Kurchi Madatha Petti Song
