Kurchi Madatha Petti Song : సూపర్ స్టార్ మహేశ్ బాబు, శ్రీలీల కాంబినేషన్లో వచ్చిన 'గుంటూరు కారం' సినిమా రోజుకో రికార్డును తన ఖాతాలో వేసుకుంటోంది. ముఖ్యంగా కుర్చి మడతపెట్టి సాంగ్ ఇండియాలోనే కాకుండా ఓవర్సీస్లోనూ మంచి క్రేజ్ సంపాదించుకుంది. గ్రాండ్ ఈవెంట్స్, బర్త్డే ఫంక్షన్స్ ఇలా ఎక్కడ చూసిన ఈ పాటనే వినిపిస్తోంది. రిలీజైన కొన్ని నెలల్లోనే 100 మిలియన్ వ్యూస్ సాధించింది.
అయితే ఈ సాంగ్ తాజాగా మరో మైల్స్టోన్ను దాటింది. యూట్యూబ్లో ఇప్పుడు దాదాపు 200 మిలియన్ పైగా వ్యూస్ను అందుకుంది. ఇది విన్న మహేశ్ ఫ్యాన్స్ సంబరాలు చేసుకుంటున్నారు. ఈ పాట మరిన్ని మైల్స్టోన్స్ దాటాలని కోరుకుంటున్నారు.
గతంలోనూ ఈ సాంగ్ పలు రికార్డులను సొంతం చేసుకుంది. అమెరికా హూస్టన్ లో జరిగిన నేషనల్ బాస్కెట్ బాల్ గేమ్స్లో ఈ పాటకు అక్కడి వారు స్టెప్పులేసి అదరగొట్టారు. దీంతో ఆ స్టేడియం మొత్తం హోరెత్తింది. ఆఫ్రికాలోనూ ఈ పాటకు రీల్స్ చేశారు.
-
Feel the pulse of sensation with the electrifying #KurchiMadathapetti full video song from #GunturKaaram as it skyrocketed to over 2⃣0⃣0⃣M+ views on #YouTube.
— Aditya Music (@adityamusic) April 20, 2024
▶️ https://t.co/2zz7AnJzyo
A @MusicThaman Musical 🎹
✍️ @ramjowrites
🎤 @itsahithii @srikrisin
SUPER🌟… pic.twitter.com/ilak2XTVWi
ఇదిలాఉండగా, ఇంటర్నేషనల్ మోటార్ స్పోర్ట్ కంపెనీ 'నిస్సాన్ మోటార్ స్పోర్ట్స్' కూడా తమ కొత్త బ్రాండ్ కారుని ప్రమోట్ చేయడం కోసం ఇన్‌స్టాగ్రామ్లో ఈ సాంగ్ను వాడుకుని ఓ రీల్ పోస్ట్ చేసింది. అది కూడా నెట్టింట మంచి వ్యూవర్షిప్ అందుకుంది. భాష రాకపోయినా కూడా అక్కడి వారు ఈ సాంగ్ను లూప్లో వింటున్నారు. ఇదంతా చూస్తుంటే ఓవర్సీస్లో ఈ పాటకు ఓ రేంజ్లో ఫ్యాన్స్ ఉన్నారని అర్థమైపోతోంది.
Guntur Kaaram Cast : ఇక గుంటూరు కారం సినిమా విషయానికి వస్తే, మహేశ్, శ్రీలీల కాంబోలో వచ్చిన ఈ సినిమా ఆశించిన స్థాయిలో టాక్ అందుకోలేకపోయింది. అయినప్పటికీ మంచి వసూళ్లు సాధించింది. ఇందులోని సాంగ్స్, పలు యాక్షన్ సీన్స్కు మాత్రం మంచి మార్కులు పడ్డాయి. ముఖ్యంగా కుర్చి మడతపెట్టి సాంగ్లో శ్రీలీల, మహేశ్ డ్యాన్స్కు ఫ్యాన్స్ ఫిదా అయిపోయారు. సాంగ్కు తొలుత నెగిటివిటీ వచ్చినప్పటికీ స్లోస్లోగా అందరి నోట నానుతూ వచ్చింది.
'గుంటూరు కారం' రూ.200 కోట్ల మార్క్- మహేశ్బాబు ఆల్టైమ్ రికార్డ్!
మహేశ్, శ్రీలీల ఫుల్ మాస్ డ్యాన్స్- 'కుర్చీని మడతబెట్టి' సాంగ్ అదుర్స్!
