Naga Chaitanya Love Proposal Sai Pallavi: టాలీవుడ్ స్టార్ హీరో నాగచైతన్య వాలెంటైన్ రోజు సర్ప్రైజ్ ఇచ్చారు. హీరోయిన్ సాయి పల్లవికి లవ్ ప్రపోజల్ చేసినట్లున్న వీడియో ఒకటి సోషల్ మీడియాలో అప్లోడ్ చేశారు. చైతు- సాయిపల్లవి లీడ్ రోల్స్లో తెరకెక్కుతున్న 'తండేల్' సినిమా గ్లింప్స్లోని ఓ డైలాగ్ ప్రస్తుతం నెట్టింట ట్రెండింగ్లో ఉంది. ఈ డైలాగ్తో నెటిజన్లు రీల్స్ చేస్తున్నారు. ఈ నేపథ్యంలో నాగ చైతన్య కూడా రీల్ చేసి ఇన్స్టాగ్రామ్లో షేర్ చేశారు.
'తండేల్ గ్లింప్స్కు వస్తున్న రెస్పాన్స్ పట్ల థ్రిల్లింగ్గా ఉంది. దానిపై మీరందరూ (నెటిజన్లు) రీల్స్ చేయడం సంతోషాన్నిస్తుంది. మీలాగే మేము (నేను & సాయి పల్లవి) కూడా రీల్ చేయాలనుకున్నాం. మీ అందరికీ తండేల్ మూవీ టీమ్ నుంచి హ్యాపీ వాలెంటైన్ డే' అని చైతు పోస్ట్ చేశారు. రీల్ చూసిన ఫ్యాన్స్ చైతూ- సాయి పల్లవి జోడీ బాగుందంటూ కామెంట్స్ పెడుతున్నారు. కాగా, ఇదివరకే వీరి కాంబోలో తెరకెక్కిన 'లవ్స్టోరి' సినిమా మంచి విజయం సొంతం చేసుకుంది.
ఇక సినిమా విషయానికొస్తే, దర్శకుడు చందూ మోండేటి కోస్టల్ బ్యాక్డ్రాప్లో తండేల్ తెరకెక్కిస్తున్నారు. ఇప్పటికే రిలీజైన ఈ సినిమా గ్లింప్స్కు మంచి రెస్పాన్స్ వచ్చింది. బోటుపై చేపల వేటకు వెళ్తున్న చైతూ 'దద్దా గుర్తెట్టుకో ఈపాలి యాట గురి తప్పేదెలేదేస్ ఇక రాజులమ్మ జాతరే' అంటూ చెప్పే ఓ డైలాగ్ గ్లింప్స్లో హైలైట్గా నిలిచింది. ఇక చైతూ పాక్ ప్రభుత్వానికి చిక్కడం, అక్కడ జైల్లో ఇబ్బంది పెడుతున్న అధికారికి కౌంటర్ ఇవ్వడం లాంటి సన్నివేశాలను గ్లింప్స్లో చూపించారు. చివర్లో సాయిపల్లవిని కూడా చూపించారు. ఇది ఆడియెన్స్ను బాగా ఆకట్టుకుంది.
Thandel Cast: ఈ సినిమాలో హీరో, హీరోయిన్ మినహా ఇతర నటీనటుల వివరాలు బయటకు రాలేదు. గీతా ఆర్ట్స్ బ్యానర్పై బన్ని వ్యాస్, అల్లు అరవింద్ సంయుక్తంగా ఈ సినిమాను నిర్మిస్తున్నారు. రాక్స్టార్ దేవీశ్రీ ప్రసాద్ ఈ మూవీకి సంగీతం అందిస్తున్నారు.
- " class="align-text-top noRightClick twitterSection" data="">
నాగ చైతన్య 'తండేల్' గ్రాండ్ లాంఛ్ - స్పెషల్ అట్రాక్షన్గా సాయి పల్లవి!
నాగ చైతన్య కొత్త మూవీ టైటిల్ ఫిక్స్ - ఆ క్రేజీ లుక్లో పోస్టర్ రివీల్!
