పవన్ ఫ్యాన్స్​కు వీరమల్లు టీమ్ సర్​ప్రైజ్​ - త్వరలో గ్లింప్స్​ రెడీ!

Hari Hara Veera Mallu VFX : పవన్ కల్యాణ్, నిథి శెట్టి లీడ్​ రోల్స్​లో తెరకెక్కుతున్న 'హరిహర వీరమల్లు' సినిమా నుంచి ఓ క్రేజీ అప్​డేట్​ను మేకర్స్ అనౌన్స్​ చేశారు. ఆ విశేషాలు మీ కోసం.

Hari Hara Veera Mallu VFX : పవర్ స్టార్ పవన్ కల్యాణ్​ లీడ్​ రోల్​లో తెరకెక్కుతున్న పీరియాడికల్ మూవీ 'హరిహర వీరమల్లు'. పవన్ లైనప్​లో ఫ్యాన్స్ ఎంతగానో ఎదుచూస్తున్న సినిమాల్లో ఇది కూడా ఒకటి. అయితే గత కొంతకాలంగా మేకర్స్ ఈ సినిమాకు సంబంధించిన ఎటువంటి అప్డేట్స్ ఇవ్వట్లేదు. దీంతో పవన్ ఫ్యాన్స్ డీలా పడ్డారు. మూవీ గురించి అనేక అనుమానాలను వ్యక్తం చేశారు.

ఈ నేపథ్యంలో ఫ్యాన్స్​లో ఉత్సాహం నింపేందుకు ఈ మూవీ నిర్మాణ సంస్థ మెగాసూర్య ప్రొడక్షన్స్ ఓ అదిరిపోయే అప్​డేట్​ ఇచ్చింది. ప్రస్తుతం హరిహర వీరమల్లు' మూవీ హై ఎండ్ వీఎఫ్ఎక్స్ పనులు జరుపుకుంటోందని దీని కోసం ఇరాన్, కెనడా, బెంగళూరు, చెన్నై, హైదరాబాద్ వంటి ప్రదేశాలకు చెందిన అంతర్జాతీయ నిపుణులు ఈ మూవీ గ్రాఫిక్స్ పనుల్లో బిజీగా ఉన్నారంటూ తెలిపారు. అద్భుతమైన గ్రాఫిక్స్ నైపుణ్యానికి అద్దం పట్టేలా, ప్రేక్షకుల ఊహకు అందని రీతిలో పలు సీన్స్​ను గ్రాఫిక్స్​తో రూపొందించి సరికొత్త థ్రిల్ ను అందిస్తామని చిత్రబృందం ప్రకటించింది. అంతే కాకుండా త్వరలోనే స్పెషల్ ప్రోమో తీసుకురానున్నట్లు తెలిపారు.

• Here's an Update to all the Power Fans & Cinema Lovers! 📣
  
  Currently the High-End VFX Works are in progress ✨
  
  A special promo is coming your way very soon from #HariHaraVeeraMallu that will have you on the edge of your seat! 💥@PawanKalyan @DirKrish @AgerwalNidhhi… pic.twitter.com/RUgYPbzTRr

  — Mega Surya Production (@MegaSuryaProd) February 12, 2024

ఇది విన్న పవన్​ ఫ్యాన్స్ ఆనందంతో సంబరాలు చేసుకుంటున్నారు. సినిమా గురించి ఆందోళన చెందినవారు ఊపిరి పీల్చుకుంటున్నారు. త్వరగా ప్రోమో రిలీజ్ చేయాలంటూ మేకర్స్​ను కామెంట్ల రూపంలో రిక్వెస్ట్​ చేస్తున్నారు.

Harihara Veeramallu Shooting Update : ఇక ఈ సినిమా షూటింగ్​ గురించి గతంలో మేకర్స్ కీలక అప్​డేట్​ ఇచ్చారు. "ఇది పిరియాడికల్‌ మూవీ. చాలా పెద్ద సినిమా ఇది. అన్నీ చిత్రాల కన్నా భిన్నంగా ఉంటుంది. గ్రాఫిక్స్‌ వర్క్‌ ఎక్కువ చేయాల్సి ఉంటుంది. అలాగే, పవన్‌ కల్యాణ్ కూడా పొలిటికల్​గా చాలా బిజీగా ఉన్నారు. అందుకే తక్కువ రోజుల్లో పూర్తయ్యే రీమిక్స్‌, చిన్న సినిమాలను చేస్తున్నారు. హరిహర వీరమల్లు షూటింగ్​ను ఈ ఏడాది చివరి నాటికి కంప్లీట్ చేస్తాం. వచ్చే ఏడాది ఎలెక్షన్స్​ కన్నా ముందే ఈ సినిమాను రిలీజ్ చేస్తాం" అని పేర్కొన్నారు. ఈ చిత్రాన్ని డైరెక్టర్ క్రిష్ గ్రాండ్​గా తెరకెక్కించేందుకు ప్రయత్నాలు చేస్తున్నారు. మెగా సూర్య ప్రొడక్షన్స్ బ్యానర్ పై నిర్మాత ఏఎం రత్నం భారీ బడ్జెట్​తో నిర్మిస్తున్నారు.

పవన్​ కల్యాణ్ 'హరిహర వీరమల్లు' డైలాగ్​ లీక్​- 'యానిమల్' విలన్ అంత పని చేశాడా!