ట్విట్టర్ రివ్యూ: విశ్వక్‌ సేన్‌ కొత్త ప్రయత్నం ఫలించిందా?

Gaami Twitter Review: మాస్ కా దాస్ విశ్వక్‌ సేన్‌- యంగ్​బ్యూటీ చాందిని చౌదరి కాంబోలో తెరకెక్కిన సినిమా 'గామి' (Gaami Twitter Review). డెబ్యూ డైరెక్టర్ విద్యాధర్‌ కాగిత దర్శకత్వం వహించిన ఈ చిత్రం మార్చి 8న ప్రేక్షకుల ముందుకు వచ్చింది. శుక్రవారం తెల్లవారుజామున నుంచే హైదరాబాద్ సహా పలు నగరాల్లో ప్రీమియర్ షోస్ పడ్డాయి. భారీ అంచనాల నడుమ రిలీజైన ఈ సినిమా టాక్ ఏంటంటే?

కొత్త జానర్​ ప్రయత్నాల్లో భాగంగా తెరకెక్కిన టాలీవుడ్​ సినిమాల్లో 'గామి' ఒకటి. స్టన్నింగ్ విజువల్స్, కొత్త సినిమాటిక్ జానర్​లో రూపొందిన గామికి ప్రేక్షకుల నుంచి పాజిటివ్ రెస్పాన్స్ వస్తోంది. ఫస్ట్ హాఫ్, ప్రీ ఇంటర్వెల్ సీన్ (Pre Interval Scene), క్లైమాక్స్​లో లయన్ యాక్షన్ సన్నివేశాలు సినిమాకు ప్లస్ పాయింట్​గా నిలిచాయని నెటిజన్లు అంటున్నారు. కొన్ని సీన్స్​లో గుస్​పంప్స్ పక్కా అని చెబుతున్నారు. సెకండ్ హాఫ్​లో ఏదో ట్విస్ట్ ఉందని కూడా కామెంట్ చేస్తున్నారు.

అయితే సెకండ్ హాఫ్​లో కథ చాలా స్లోగా నడుస్తుందంటున్నారు. సినిమాలో ఒకేసారి మూడు స్టోరీలు చెప్పడం వల్ల కాస్త డల్​గా అనిపిస్తుంది అని ఓ నెటిజన్ కామెంట్ చేశాడు. అయితే ఈ కొద్దిపాటి నెగిటివ్ వదిలేస్తే, ఓవరాల్​గా సినిమా ఓకే అంటున్నారు. హీరో విశ్వక్‌ సేన్‌ అఘోర పాత్రలో నటన అదరగొట్టేశారట. బ్యాక్​గ్రౌండ్ మ్యూజిక్ (Background Music), సినిమాటోగ్రఫీ లెవెల్స్, సౌండ్ క్వాలిటీ, నిర్మాణ విలువలు బాగున్నాయట. కంప్లీట్ టీమ్ వర్క్​తో డైరెక్టర్ విద్యాధర్ సినిమా నెక్ట్స్​ లెవెల్​లో తెరెక్కించారట.

ఇక సినిమా విషయానికొస్తే, డైరెక్టర్ విద్యాధర్ దాదాపు నాలుగేళ్లపాటు శ్రమించి అత్యంత ప్రతిష్ఠాత్మకంగా ఈ మూవీ తెరకెక్కించారు. సెల్యూలాయిడ్, తమడా మీడియా బ్యానర్స్​పై కార్తీక్ శబరీష్ చిత్రాన్ని నిర్మించారు. నటులు ఎంజి అభినయ, హారిక పెడాడ, మహ్మద్ సమద్, దయానంద్ రెడ్డి, హారికా తదితరులు పలు కీలక పాత్రలు పోషించారు. నరేశ్‌ కుమారన్‌ సంగీతం అందించగా, విశ్వనాథ్‌ రెడ్డి సినిమాటోగ్రాఫర్​గా వ్యవహరించారు.

• " class="align-text-top noRightClick twitterSection" data="">

విశ్వక్ సినిమాపై జక్కన్న ప్రశంసలు - ఆ ఇద్దరికి పూర్తి క్రెడిట్స్!