Ashureddy Chandini Choudary yevam Movie : చాందిని చౌదరి ఈ మధ్య కంటెంట్ ఓరియెంటెడ్ సినిమాలతో వరుస హిట్లను అందుకుంటోంది. రీసెంట్గా గామి చిత్రంతో విజయాన్ని ఖాతాలో వేసుకున్న ఈ భామ త్వరలో మ్యూజిక్ షాప్ మూర్తి అనే చిత్రంతో ప్రేక్షకుల ముందుకు రాబోతుంది. ఆ తర్వాత యేవమ్ అనే సినిమాతో ఆడియెన్స్ను అలరించనుంది. తాజాగా ఈ సినిమా టీజర్ను దర్శకుడు హరీశ్ శంకర్ విడుదల చేశారు. ఈ ప్రచార చిత్రం ఆద్యంతం ఇంటెన్సివ్గా సాగింది. ఒకరిపై శృతిమించిన వ్యామోహం ఉంటే ఎన్ని ఘోరాలైన చేయిస్తుంది అనే ఎలిమెంట్ను తీసుకొని ఈ చిత్రాన్ని తెరకెక్కించినట్లు అర్థమవుతోంది. ప్రచార చిత్రంలో సస్పెన్స్ క్రైమ్ థ్రిల్లర్ ఎలిమెంట్స్ పుష్కలంగా ఉన్నట్లు కనిపిస్తోంది.
వరుసగా జరుగుతున్న హత్యల కేసను ఛేదించేందుకు పోలీస్ ఆఫీసర్గా ఛార్జ్ తీసుకున్న చాందిని ఏం చేసింది అనే ఆసక్తికర థ్రిల్లింగ్ అంశంతో సినిమా ఉండనుంది. ఒక ఫోక్ సాంగ్తో ప్రారంభమైన ఈ టీజర్లో వశిష్ఠ సింహా, అషురెడ్డి, చాందిని చౌదరి పాత్రలను ఇంట్రడక్షన్ ఇచ్చారు. ఈ క్రమంలోనే నా బాడీ సూపర్ డీలక్స్ అంటూ అషురెడ్డి డైలాగ్ చెప్పడం మరింత క్యూరియాసిటినీ పెంచింది. వశిష్ట సింహా పాత్ర కూడా నెగటివ్ షేడ్స్ ఉన్న క్యారెక్టర్లా చూపిస్తూ సస్పెన్స్ క్రియేట్ చేస్తోంది. ఆ తర్వాత వరుస హత్యలు జరగడం, దానిని అప్పుడే పోలీస్ ఆఫీసర్గా జాయిన్ అయిన చాందిని చౌదరి దర్యాప్తు చేయడం వంటి సీన్లను చూపించారు. అనంతరం యుగంధర్ అనే పేరుతో చౌందినికి కాల్ చేసి తానే ఈ హత్యలన్నీ చేస్తున్నట్లు చెప్పడం, అతడిని పట్టుకునేందుకు చాందిని చౌదరి ప్రయత్నించడం వంటివి సీన్లతో ప్రచార చిత్రాన్ని ముగించారు.
ఇంకా భరత్ రాజ్, గోపరాజు రమణ, దేవిప్రసాద్‌ కూడా ఇతర కీలక పాత్రలు పోషిస్తున్నారు. నవదీప్, పవన్ గోపరాజు నిర్మాణంలో ప్రకాష్‌ దంతులూరి ఈ చిత్రాన్ని తెరకెక్కించారు. కీర్తన శేషు, నీలేష్‌ మందలపు సంగీతం అందిస్తున్నారు. కాగా, "యేవమ్ సినిమా ఓపెనింగ్‌కు వ‌చ్చిన నేను మ‌ళ్లీ ఆ చిత్ర టీజర్ను విడుదల చేయడం చాలా సంతోషంగా ఉంది. యేవమ్ చాలా మంచి టైటిల్‌. ఈ ప్ర‌మోష‌నల్ కంటెంట్ చూస్తుంటే సినిమా కూడా కొత్త‌గా ఉంటుంద‌ని అనిపిస్తుంది" అని హరీశ్ శంకర్ అన్నారు.
సమంతతో రొమాంటిక్ సీన్స్ - వైరల్గా నాగ చైతన్య రియాక్షన్ వీడియో - Manam Movie Rerelease
అనసూయ జలకాలాట - సోషల్ మీడియాను షేక్ చేస్తున్న ఈ పిక్స్ చూశారా? - Anasuya Vacation Tour Pics
