రూట్ మార్చిన టాలీవుడ్ స్టార్స్ - ఈసారి సమ్మర్లో మరింత కొత్తగా!

Published : Feb 14, 2024, 8:23 AM IST

2024 Tollywood Summer Movies : సమ్మర్ బాక్సాఫీస్ సీజన్ గురించి ప్రత్యేకంగా చెప్పనక్కర్లేదు. ఏప్రిల్‌ మొదలుకొని రెండు నెలలకుపైగా సినిమాలు పోటాపోటీగా రిలీజ్ అవుతుంటాయి. వాటి రికార్డుల కబుర్లే ఎక్కువగా వినిపిస్తుంటాయి. కానీ ఇప్పుడలా పరిస్థితి కనపడట్లేదు. రిలీజ్లు కన్నా ఎక్కువగా కొత్త చిత్రాల ప్రారంభాలకు సంబంధించిన ముచ్చట్లే వినిపిస్తున్నాయి. అల్లు అర్జున్, రామ్ చరణ్, ఎన్టీఆర్ సహా చాలా మంది స్టార్ హీరోలు కమ కొత్త చిత్రాల్ని వేసవిలోనే మొదలు పెట్టే ప్రయత్నాల్లో ఉన్నారు.

2024 Tollywood Summer Movies : 2024 సమ్మర్ బాక్సాఫీస్ ముందు ప్రభాస్ కల్కి, విజయ్‌ దేవరకొండ ఫ్యామిలీ స్టార్‌ సినిమాలు రానున్నాయి. అంటే గతేడాదిలానే ఈ సారి కూడా సమ్మర్ ఒకట్రెండు సినిమాలతోనే సరిపెట్టుకోనుంది. అయితే ఈ సారి స్టార్ హీరోల కొత్త చిత్రాలు ప్రారంభం కానున్నాయి.

గుంటూరు కారంతో పలకరించిన మహేశ్ బాబు - రాజమౌళితో(Rajamouli Mahesh Babu Movie) సినిమా కోసం రెడీ అవుతున్నారు. ఇప్పటికే విదేశాలకు వెళ్లి ప్రత్యేకమైన శారీరక శిక్షణ కూడా తీసుకున్నారు. ఈ వేసవి నుంచే మహేశ్‌బాబు మూవీటీమ్తో కలిసి రంగంలోకి దిగనున్నారట. పలువురు హాలీవుడ్‌ సాంకేతిక నిపుణులు కూడా ఈ మూవీ కోసం పని చేయనున్నట్టు సమాచారం.

ప్రభాస్‌ కల్కి(Prabhas Kalki Movie) వేసవిలో రిలీజ్ కానుంది. సమ్మర్లో సలార్‌ 2 షూటింగ్ కోసం ఆయన కాల్షీట్లు కేటాయించినట్టు తెలిసింది. ఇంకా రాజాసాబ్‌ షూటింగ్ కూడా ఈ ఏడాదే పూర్తి చేయనున్నారు.

" class="align-text-top noRightClick twitterSection" data="">

Ramcharan Buchi babu Movie : రామ్‌చరణ్‌ - బుచ్చిబాబు సానా కాంబో సినిమా కూడా మే నెల నుంచే మొదలు కానున్నట్టు తెలిసింది.. ఉత్తరాంధ్ర నేపథ్యంలో సాగే ఈ సినిమా కోసం చరణ్‌ ఇప్పటికే సన్నద్ధమవుతున్నట్టు సమాచారం అందుతోంది. ఆయన గేమ్‌ ఛేంజర్‌ మూవీని కూడా పూర్తి చేయనున్నారు.

Pushpa 2, Devara Movie : పుష్ప 2, దేవర సినిమాలతో బిజీగా ఉన్న అల్లు అర్జున్‌, ఎన్టీఆర్‌లు కూడా ఈ సమ్మర్ నుంచే కొత్త చిత్రాల్ని సెట్స్పైకి తీసుకెళ్లాలని ముందుగా సన్నాహాలు చేశారు. అయితే దేవర ఆలస్యం, పుష్ప 2 ఆగస్ట్లో రిలీజ్ అవ్వడం వల్ల ఈ సమ్మర్లో తారక్, బన్నీ ఈ రెండు చిత్రాలతోనే గడిపేస్తారు. అయితే ఎన్టీఆర్ వార్‌ 2తో పాటు ప్రశాంత్‌ నీల్తో చేయాల్సిన సినిమా గురించి వేసవిలోనే ఓ క్లారిటీ వచ్చే అవకాశముంది. అల్లు అర్జున్ - త్రివిక్రమ్‌ సినిమాపై కూడా ఈ సమ్మర్లోనే స్పష్టత వచ్చే ఛాన్స్ ఉంది.

మరోవైపు సీనియర్‌ హీరోస్ చిరంజీవి విశ్వంభరతో(Chiranjeevi Viswambhara movie), వెంకటేశ్‌ - అనిల్‌ రావిపూడితో చేయబోతున్న సినిమాతో బిజీ కానున్నారు. శర్వానంద్‌, అఖిల్‌, రానా దగ్గుబాటితో పాటు పలువురు యంగ్ హీరోస్ కూడా తమ కొత్త చిత్రాల్ని సమ్మర్లోనే పట్టాలెక్కించేందుకు రెడీ అవుతున్నారు.