Best Sunroof Cars Under 10 Lakh : ఇటీవలి కాలంలో సన్రూఫ్ ఉన్న కార్లకు విపరీతంగా డిమాండ్ పెరుగుతోంది. ఒకప్పుడు కేవలం లగ్జరీ కార్లలో మాత్రమే ఈ ఫీచర్ ఉండేది. కానీ నేడు అఫర్డబుల్ కార్లలోనూ సన్రూఫ్ ఉంటోంది. మరి మీరు కూడా మంచి ఎలక్ట్రిక్ సన్రూఫ్ ఉన్న కారు కొనాలని ఆశిస్తున్నారా? అయితే మరెందుకు ఆలస్యం, ఈ ఆర్టికల్లో రూ.10 లక్షల బడ్జెట్లోపు లభిస్తున్న టాప్-5 ఎలక్ట్రిక్ సన్రూఫ్ ఉన్న కార్ల గురించి తెలుసుకుందాం రండి.
1. Tata Nexon : టాటా నెక్సాన్ అనేది ఒక సబ్కాంపాక్ట్ ఎస్యూవీ. దీని ప్రారంభ ధర రూ.8.15 లక్షలు (ఎక్స్-షోరూం) ఉంటుంది. దీనిలో వాయిస్-అసిస్టెడ్ ఎలక్ట్రిక్ సన్రూఫ్ ఉంటుంది. అలాగే దీనిలో 6-ఎయిర్ బ్యాగ్స్, ఎలక్ట్రిక్ స్టెబిలిటీ ప్రోగ్రామ్ లాంటి సేఫ్టీ ఫీచర్లు ఉన్నాయి. కారులోపల 17.78 సెం.మీ టచ్స్క్రీన్ ఇన్ఫోటైన్మెంట్ సిస్టమ్ ఉంది. ఈ కారులో ఆటో హెడ్ల్యాప్స్, రెయిన్-సెన్సింగ్ వైపర్స్ ఉన్నాయి. ఈ టాటా నెక్సాన్ కారుకు గ్లోబల్ ఎన్సీఏపీ 5 స్టార్ రేటింగ్ కూడా ఉంది. కనుక సేఫ్టీ పరంగా చూస్తే, ఇది నంబర్ 1 కారు అని చెప్పుకోవచ్చు.
2. Hyundai Exter : ఈ హ్యుందాయ్ ఎక్స్టర్ అనేది ఒక ఎంట్రీ లెవల్ ఎస్యూవీ. దీని ఎక్స్-షోరూం ధర రూ.6 లక్షల నుంచి రూ.10.15 లక్షల వరకు ఉంటుంది. దీనిలో వాయిస్-ఎనేబుల్డ్ స్మార్ట్ ఎలక్ట్రిక్ సన్రూఫ్ ఉంది. ఇంకా ఈ కారులో 8-అంగుళాల టచ్స్క్రీన్, మల్టిపుల్ ఛార్జింగ్ ఆప్షన్స్, వైర్లెస్ ఛార్జింగ్, ఏసీ వెంట్స్ ఉన్నాయి. ఈ హ్యుందాయ్ కారు 19.2 kmpl నుంచి 27.1 kmpl మైలేజ్ ఇస్తుంది.
3. Tata Punch : ఇండియాలోని టాప్-సెల్లింగ్ కార్లలో టాటా పంచ్ ఒకటి. ఇది మంచి స్పోర్టీ డైనమిక్స్తో, టచ్ యుటిలిటీతో వస్తుంది. మార్కెట్లో ఈ టాటా పంచ్ ధర రూ.6 లక్షల నుంచి రూ.10.10 లక్షల (ఎక్స్-షోరూం) ప్రైస్ రేంజ్లో ఉంటుంది. ఈ టాటా పంచ్ కారులో వాయిస్-అసిస్టెడ్ సన్రూఫ్ ఉంది. ఈ ఎస్యూవీ కారులో 7-అంగుళాల టచ్స్క్రీన్ ఉంటుంది. దీనిలో ఆండ్రాయిడ్ ఆటో, యాపిల్ కార్ప్లే, క్లైమేట్ కంట్రోల్ ఫీచర్లు ఉన్నాయి. అలాగే ఈ కారులో 7-అంగుళాల సెమీ డిజిటల్ ఇన్స్ట్రుమెంట్ క్లస్టర్ కూడా ఉంది. టాటా పంచ్ కారులో రెయిన్-సెన్సింగ్ వైపర్స్, ఆటో హెడ్ల్యాంప్స్ ఉంటాయి. మైలేజ్ విషయానికి వస్తే, టాటా పంచ్ 18.8 kmpl నుంచి 26.99 kmpl మైలేజ్ ఇస్తుంది.
4. Hyundai i20 N Line Facelift : ఈ హ్యుందాయ్ ఐ20 ఎన్ లైన్ ఫేస్లిఫ్ట్ ప్రారంభ ధర రూ.9.99 లక్షలు (ఎక్స్-షోరూం) ఉంటుంది. ఈ కారులో 1.0 టర్బో జీడీఐ పెట్రోల్ ఇంజిన్ ఉంటుంది. ఈ కారు 7 కలర్ ఆప్షన్లలో లభిస్తుంది. ఈ కారులో న్యూ-ఏజ్ టెక్నాలజీస్ అయిన ఎలక్ట్రిక్ సన్రూఫ్, 26.03 సెం.మీ హెచ్డీ టచ్స్క్రీన్ ఇన్ఫోటైన్మెంట్ & నావిగేషన్ సిస్టమ్, ఆటోమేటిక్ హెడ్ల్యాప్స్, ఎమర్జెన్సీ స్టాప్ సిగ్నల్ (ESS) ఉన్నాయి.
5. Mahindra XUV300 : ఈ మహీంద్రా ఎక్స్యూవీ 300 ప్రారంభ ధర సుమారుగా రూ.7.99 లక్షలు ఉంటుంది. ఈ 5 సీటర్ కారు 6 రంగుల్లో లభిస్తుంది. అయితే కొన్ని సెలక్టెడ్ వేరియంట్లలో మాత్రమే సన్రూఫ్ ఉంటుంది. ముఖ్యంగా W4 పెట్రోల్, W4 డీజిల్, W4 టీజీడీఐ పెట్రోల్, W6 పెట్రోల్, W6 డీజిల్ కార్లలో మాత్రమే సన్రూఫ్ ఉంటుంది.
రూ.1 లక్ష బడ్జెట్లో మంచి బైక్ కొనాలా? టాప్-10 పవర్ఫుల్ మోడల్స్ ఇవే! - Best Bikes Under 1 Lakh
స్టన్నింగ్ ఫీచర్స్తో టయోటా టైజర్ లాంఛ్ - ధర ఎంతంటే? - Toyota Taisor Launch
