திருப்பத்தூர் அருகே பெரிய மூக்கனூர் கிராமத்தில் களைகட்டிய 'எருதுவிடும் விழா'

திருப்பத்தூர் மாவட்டம், நாட்றம்பள்ளி அடுத்த பெரிய மூக்கனூர் கிராமத்தில் 52ஆம் ஆண்டு 'எருதுவிடும் திருவிழா' இன்று (ஜன.25) நடைபெற்றது. ஊர் பொதுமக்கள் மற்றும் கிராம இளைஞர்கள் தலைமையில் இந்த போட்டியில் 150-க்கும் மேற்பட்ட காளைகள் உரிய பாதுகாப்பு வசதியுடன், இந்த எருது விடும் திருவிழாவில் பங்கேற்றன. 

இதில் தர்மபுரி, கிருஷ்ணகிரி, திருவண்ணாமலை, வேலூர், திருப்பத்தூர் உள்ளிட்ட பல்வேறு மாவட்டங்களில் இருந்து 150-க்கும் மேற்பட்ட காளைகள் வந்திருந்த நிலையில், 2500-க்கும் மேற்பட்ட மாடுபிடி வீரர்கள் கலந்துகொண்டனர். இந்த எருது விடும் திருவிழாவில் பாதுகாப்பு பணியில் திருப்பத்தூர் உட்கோட்ட காவல் கண்காணிப்பாளர் கணேஷ் தலைமையில் போலீசார் 200-க்கும் மேற்பட்ட போலீசார் பாதுகாப்பு பணியில் ஈடுபட்டிருந்தனர் என்பது குறிப்பிடத்தக்கது.