ସୁବର୍ଣ୍ଣପୁର: ରାଜ୍ୟରେ ମହାମାରୀ କୋରୋନାର ସଂକ୍ରମଣ ବଢୁଥିବାବେଳେ ସୁବର୍ଣ୍ଣପୁର ଜିଲ୍ଲାରେ ଗୁରୁବାର କୌଣସି ପଜିଟିଭ ଚିହ୍ନଟ ହୋଇନାହାନ୍ତି । ତେବେ କୋରୋନାକୁ ପ୍ରତିହତ କରିବା ପାଇଁ ଜିଲ୍ଲାରେ ସାପ୍ତାହିକ ଦୁଇ ଦିନିଆ ସଟଡାଉନ ମଧ୍ୟ କରାଯାଉଛି ।
ଜିଲ୍ଲାପ୍ରଶାସନ କୋରନା ସଂକ୍ରମଣ ପାଇଁ ସଚେତନ ରହିଛି । ଜିଲ୍ଲାର ସମସ୍ତ 109ଟି ଗ୍ରାମ ପଞ୍ଚାୟତରେ କୋଭିଡ କେୟାର ହୋମ ସହିତ କୋଭିଡ କେୟାର ହସ୍ପିଟାଲ ମଧ୍ୟ ଖୋଲାଯାଇଛି । ଅନ୍ୟପକ୍ଷେ କ୍ଲଷ୍ଟର ଲେବେଲ ଟିଏମସି ଓ 862 ଗାଁରେ କୋଭିଡ କମିଟି ଗଠନ କରାଯାଇଛି । ତେବେ ସୁବର୍ଣ୍ଣ ଜିଲ୍ଲା ଅଧିକାଂଶ ଦିନ ଗ୍ରୀନ ଜୋନରେ ରହିଛି ।
ଜିଲ୍ଲାରେ ଚିହ୍ନଟ ହୋଇଥିବା ସମସ୍ତ 44 ଜଣ କୋରୋନା ଆକ୍ରାନ୍ତ ବ୍ୟକ୍ତି ସୁସ୍ଥ ହୋଇସାରିଥିବା ବେଳେ ଏମାନେ ହୋମ କ୍ବାରେଣ୍ଟାଇନରେ ରହିଥିବା ଅତିରିକ୍ତ ଜିଲ୍ଲାପାଳ ସୂଚନା ଦେଇଛନ୍ତି । ତେବେ ଜନସାଧାରଣ ସବୁ ସମୟରେ ସାମାଜିକ ଦୂରତ୍ବ ରକ୍ଷା କରିବା, ମାସ୍କ ପରିଧାନ କରିବା ତଥା ହାତ ଧୋଇବା ଦିଗରେ ଯତ୍ନବାନ ହେବା ଆବଶ୍ୟକ ବୋଲି କହିଛନ୍ତି ସୁବର୍ଣ୍ଣପୁର ଅତିରିକ୍ତ ଜିଲ୍ଲାପାଳ ନୀତିରଞ୍ଜନ ସେନ ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
