ସୁବର୍ଣ୍ଣପୁର: ବଲାଡି ଗ୍ରାମବାସୀ 24 ଘଣ୍ଟିଆ ବିଜୁଳି ଯୋଗାଣ ଦାବିରେ ଖାରୀ ବିଜୁଳି ଅଫିସ ଘେରାଉ କରିଛନ୍ତି ।
ଲୋ-ଭୋଲଟେଜ ସମସ୍ୟା, ଖାରୀ ବିଜୁଳି ଅଫିସ ଘେରାଉ
ବଲାଡି ଗାଁରେ ଦାରିଦ୍ର୍ୟ ସୀମାରେଖା ତଳେ ବାସ କରୁଥିବା 67 ଟି ପରିବାରକୁ ଗୋଟିଏ 25 କେଭି ବିଦ୍ୟୁତ ଟ୍ରାନସଫ୍ରମରରୁ ବିଜୁଳି ଯୋଗାଇ ଦିଆଯାଉଥିବାରୁ ଉପଭୋକ୍ତାମାନେ ଲୋ-ଭୋଲଟେଜ ସମସ୍ୟାର ସମ୍ମୁଖୀନ ହେଉଛନ୍ତି । ଗାଁରେ ବ୍ୟବହାର ହେଉ ନଥିବା ଅନ୍ୟ ଏକ 63 କେଭି ଟ୍ରାନସଫ୍ରମରରରୁ ଗ୍ରାହକମାନଙ୍କୁ ବିଦ୍ୟୁତ ଯୋଗାଇ ଦେବା ପାଇଁ ଦୀର୍ଘ ଦିନରୁ ଦାବି ହେଉଛି ।
ଗତ ଲୋକସଭା ନିର୍ବାଚନ ପୂର୍ବରୁ ଗାଁଲୋକେ ବିଦ୍ୟୁତ ବିଭାଗ ପାଖରେ ଦାବି କରି ଆସୁଥିଲେ ହେଁ କେହି ଶୁଣୁ ନଥିବା ଅଭିଯୋଗ ହେଉଛି । ଉପଭୋକ୍ତାମାନେ ଅନେକ ଥର ଲିଖିତ ଆକାରରେ ଜଣାଇ ଥିଲେ ହେଁ ବିଦ୍ୟୁତ ବିଭାଗ ଗୁହାରି ଶୁଣୁ ନାହିଁ । ଫଳରେ ମଙ୍ଗଳବାର ଉପଭୋକ୍ତାମାନେ ଖାରୀ ବିଜୁଳି କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ କରିବା ସହିତ ଘେରାଉ କରିଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
