ବିବାଦ ଭିତରେ ନାକ ଟିମ ପରିଦର୍ଶନ ପାଇଁ କେତେ ପ୍ରସ୍ତୁତ ସମ୍ବଲପୁର ବିଶ୍ବବିଦ୍ୟାଳୟ

ସମ୍ବଲପୁର: ସମ୍ବଲପୁର ବିଶ୍ବବିଦ୍ୟାଳୟ ପଶ୍ଚିମ ଓଡିଶାର ପ୍ରମୁଖ ବିଶ୍ବବିଦ୍ୟାଳୟ l ଏହା ଅଧୀନ ରେ 235 ଟି କଲେଜ ରହିଛି l ଆଗକୁ ସେପ୍ଟେମ୍ବର 27,28 ଓ 29 ରେ ନାକ ଟିମ ଏହି ବିଶ୍ବବିଦ୍ୟାଳୟକୁ ପରିଦର୍ଶନ କରିବାକୁ ଥିବା ବେଳେ ଏଥର ସମ୍ବଲପୁର ବିଶ୍ବବିଦ୍ୟାଳୟ ଏହାକୁ ନେଇ ପ୍ରସ୍ତୁତି ଜାରି ରଖିଛି l ତେବେ ବିଶ୍ବବିଦ୍ୟାଳୟରେ ବିଭିନ୍ନ ସମୟରେ ବିଭିନ୍ନ ପ୍ରସଙ୍ଗକୁ ନେଇ ବିବାଦ ଦେଖିବାକୁ ମିଳୁଥିବା ବେଳେ ବର୍ତ୍ତମାନ A ଗ୍ରେଡରେ ଥିବା ସମ୍ବଲପୁର ବିଶ୍ବବିଦ୍ୟାଳୟ ଏଥର A ପ୍ଲସ ପାଉଛି ନାଁ ଏହାର ର ଗ୍ରେଡ ଖସୁଛି ତାହା ଦେଖିବାକୁ ବାକି ରହିଛି l

ଆସନ୍ତା ସେପ୍ଟେମ୍ବର ଶେଷ ସପ୍ତାହରେ ସମ୍ବଲପୁର ବିଶ୍ବବିଦ୍ୟାଳୟ ପରିଦର୍ଶନ କରିବ ନାକ ଟିମ l ସେପ୍ଟେମ୍ବର 26 ରେ ଏହି ଟିମ ବିଶ୍ଵବିଦ୍ୟାଳୟ କୁ ପହଞ୍ଚିବାକୁ ଥିବା ବେଳେ 27,28,29 ତିନି ଦିନ ସମ୍ବଲପୁର ବିଶ୍ବବିଦ୍ୟାଳୟ ପରିଦର୍ଶନ କରିବ l ଏଥିପାଇଁ ବିଶ୍ବବିଦ୍ୟାଳୟ ପକ୍ଷରୁ ପ୍ରସ୍ତୁତି ଜୋର ସୋରରେ ଚାଲିଥିବା କହିଛନ୍ତି କୁଳପତି l ବର୍ତ୍ତମାନ ଭିତ୍ତିଭୂମିର ବିକାଶ କାର୍ଯ୍ୟ ଉପରେ ଅଧିକ ଗୁରୁତ୍ବ ଦିଆଯାଉଥିବା ସୂଚନା ଦେଇଛନ୍ତି କୁଳପତି l ସବୁ ବିଭାଗର ହଷ୍ଟେଲ ସହ ଅନ୍ୟ ଆନୁସଙ୍ଗିକ ବ୍ୟବସ୍ଥା କାର୍ଯ୍ୟ ଜାରି ରହିଛି l ତେବେ ବର୍ଷା ପାଇଁ କେତେକ କାର୍ଯ୍ୟ ବାଧାପ୍ରାପ୍ତ ହୋଇଥିବା କୁଳପତି କହିଛନ୍ତି l ବର୍ଷା ଯୋଗୁଁ କେତେକ କାମ ନଷ୍ଟ ମଧ୍ୟ ହୋଇଥିବା ସୂଚନା ଦିଆଯାଇଛି l ତେବେ ନାକ ଟିମ ପରିଦର୍ଶନ ସମୟରେ ଛାତ୍ରଛାତ୍ରୀଙ୍କ ଫିଡବେକ ଏକ ଗୁରୁତ୍ବପୂର୍ଣ୍ଣ ଦିଗ ହୋଇଥିବାରୁ ବର୍ତ୍ତମାନ ପ୍ରତ୍ୟେକ ବିଭାଗର ଛାତ୍ରଛାତ୍ରୀ କିପରି ବିଶ୍ବବିଦ୍ୟାଳୟର କାର୍ଯ୍ୟକଳାପରେ ସନ୍ତୁଷ୍ଟ ହେବେ ଓ ନାକ ଟିମ କୁ ଭଲ ଫିଡବ୍ୟାକ ଦେବେ ସେଥିପାଇଁ ପ୍ରତ୍ୟେକ ବିଭାଗର ଅଧ୍ୟପକଙ୍କୁ ଡକାଯାଇ ଆଲୋଚନା ହେଉଛି । ଏହା ସହ ଛାତ୍ରଛାତ୍ରୀଙ୍କ ପାଇଁ ଏକ ନିୟମାବଳୀ ତିଆରି ହୋଇଥିବା କୂଳପତି କହିଛନ୍ତି l ଆସନ୍ତା 15 ଦିନ ବହୁତ ଗୁରୁତ୍ବପୂର୍ଣ ଓ ସେପ୍ଟେମ୍ବର 20 ସୁଦ୍ଧା ସବୁ ପ୍ରସ୍ତୁତି ସରିଯିବ ବୋଲି କୁଳପତି ସୂଚନା ଦେଇଛନ୍ତି । ଏଥର ସମ୍ବଲପୁର ବିଶ୍ବବିଦ୍ୟାଳୟକୁ A ପ୍ଲସ ଗ୍ରେଡ ମିଳିବ ବୋଲି ଆଶା ରଖିଛନ୍ତି କୁଳପତି ଓ ରେଜିଷ୍ଟର l

ଅନ୍ୟପଟେ ସମ୍ବଲପୁର ବିଶ୍ବବିଦ୍ୟାଳୟ ବର୍ତ୍ତମାନ ଏକ ବିବାଦୀୟ ବିଶ୍ବବିଦ୍ୟାଳୟ ହୋଇଥିବା ବେଳେ ଏହିଭଳି ଘଟଣା ଗୁଡିକୁ କର୍ତ୍ତୃପକ୍ଷ ରୋକିବାକୁ ଚେଷ୍ଟା କରିବା ଉଚିତ ବୋଲି ସ୍ଥାନୀୟ ସଚେତନ ଲୋକ ମତବ୍ୟକ୍ତ କରିଛନ୍ତି l କାରଣ ବିଶ୍ଵବିଦ୍ୟାଳୟ A ପ୍ଲସ ଗ୍ରେଡ ପାଇଲେ ଏହା ଦ୍ବାରା ବିଶ୍ବବିଦ୍ୟାଳୟକୁ ଭଲ ଅନୁଦାନ ମିଳିବ l

ଇଟିଭି ଭାରତ, ଭୁବନେଶ୍ବର