ରାଇରଙ୍ଗପୁର: ବେପରୁଆ ଗାଡି ଚାଳନା ଯୋଗୁଁ ଜଣେ ଯୁବକଙ୍କ ଉପରେ ଚଢ଼ିଗଲା ଗାଡି । ଏଥିରେ ଯୁବକଙ୍କର ଡାହାଣ ଗୋଡ ସମ୍ପୂର୍ଣ୍ଣ ଭାଙ୍ଗି ଯାଇଛି । । ଏପରି ଏକ ସଡ଼କ ଦୁର୍ଘଟଣା ଦେଖିବାକୁ ମିଳିଛି ରାଇରଙ୍ଗପୁର ଟାଉନ ଥାନା ସିମିଳିନାଳି ଛକରେ । ଗୁରୁତର ଆହତ ହୋଇଥିବା ଯୁବକଙ୍କୁ ପ୍ରଥମେ ରାଇରଙ୍ଗପୁର ଓ ପରେ ବାରିପଦା ହସ୍ପିଟାଲକୁ ସ୍ଥାନାନ୍ତରଣ କରାଯାଇଛି । ଗୁରୁତର ଥିବା ଯୁବକ ଜଣକ ଅଁଳାଜୁଡ଼ି ଗ୍ରାମର ରଘୁ ମହାନ୍ତ ବୋଲି ଜଣାପଡିଛି ।
ଗୋଡରେ ଚଢିଗଲା ଗାଡି, ଯୁବକ ଗୁରୁତର
ସୂଚନା ଅନୁଯାୟୀ ସିମିଳିନାଳି ଛକରେ ଏକ ଅଜଣା ଗାଡି ଯୁବକଙ୍କୁ ଧକ୍କା ଦେବାପରେ ଗୋଡ ଉପରେ ଚକ ଚଢ଼ି ଯାଇଥିଲା । ଦୁର୍ଘଟଣାରେ ଯୁବକଙ୍କ ଡାହାଣ ଗୋଡ ଭାଙ୍ଗି ଚୁରମାର ହୋଇ ଯାଇଥିବା ବେଳେ ଗୁରୁତର ଅବସ୍ଥାରେ ତାଙ୍କୁ ସ୍ଥାନୀୟ ଲୋକେ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ରାଇରଙ୍ଗପୁର ଡାକ୍ତରଖାନା ପଠାଇଥିଲେ । ତାଙ୍କ ଅବସ୍ଥା ସଙ୍କଟାପନ୍ନ ଥିବାରୁ ରାଇରଙ୍ଗପୁର ହସ୍ପିଟାଲରୁ ବାରିପଦା ହସ୍ପିଟାଲକୁ ସ୍ଥାନାନ୍ତର କରାଯାଇଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
