ବାରିପଦା: ଦନ୍ତା ହାତୀ ଆକ୍ରମଣରେ ଜଙ୍ଗଲ ସୁରକ୍ଷା କମିଟି ସଭାପତି ମୃତ । ଚାଷ ଜମିକୁ ଯାଉଥିବା ବେଳେ ବେତନଟୀ ରେଞ୍ଜ ଜଙ୍ଗଲରେ ଦନ୍ତା ଦଳି ଦେଇଥିବାର ଅଭିଯୋଗ ହୋଇଛି । ମୃତକ ହେଲେ ଜାମୁଗଧା ଗାଁର ଗଜେନ୍ଦ୍ର ମହାନ୍ତି । ସେପଟେ କ୍ଷତିପୂରଣ ଦାବିରେ ମୃତ ଗଜେନ୍ଦ୍ରଙ୍କ ସ୍ଥାନରେ ତାଙ୍କ ପୁଅକୁ ଚାକିରି ଦେବାକୁ ନେଇ ଗ୍ରାମବାସୀଙ୍କ ଉତ୍ତେଜନା ଦେଖାଦେଇଥିଲା ।
ଖବର ପାଇ ଘଟଣାସ୍ଥଳରେ ବନ ବିଭାଗ ଓ ପୋଲିସ ଘଟଣା ସ୍ଥଳରେ ପହଞ୍ଚିଥିବା ବେଳେ ମୃତ ଦେହକୁ ହାତ ଲଗେଇ ଦେଇନଥିଲେ ଗ୍ରାମବାସୀ । ଯେପର୍ଯ୍ୟନ୍ତ ବନ ବିଭାଗ ଚାକିରି ପାଇଁ ପ୍ରତିଶ୍ରୃତି ଦେଇନାହାଁନ୍ତି, ସେଯାଏ ମୃତ ଦେହକୁ ପକାଇ ରଖିଥିଲେ ଉତ୍ତ୍ୟକ୍ତ ଲୋକେ । ଯାହାକୁ ନେଇ ଘଟଣାସ୍ଥଳରେ ଉତ୍ତେଜନା ଦେଖାଦେଇଥିଲା ।
ସେପଟେ, ବନ ବିଭାଗ ପକ୍ଷରୁ ମୃତ ଗଜେନ୍ଦ୍ରଙ୍କ ପୁଅକୁ ବନ ବିଭାଗ ଦୈନିକ ମଜୁରୀରେ ଠିକା ନିଯୁକ୍ତ ଓ ମୃତକଙ୍କ ପରିବାରୁ 4 ଲକ୍ଷ ଟଙ୍କାର କ୍ଷତିପୂରଣ ଦେବାକୁ ପ୍ରତିଶ୍ରୃତି ଦେଇଥିଲେ । ଏହା ପରେ ଶବ ବ୍ୟବଚ୍ଛେଦ ପାଇଁ ବାରିପଦା ପଣ୍ଡିତ ରଘୁନାଥ ମୂର୍ମୁ ମେଡିକାଲ କଲେଜକୁ ପଠାଯାଇଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
