ଖୋର୍ଦ୍ଧା: ଖୋର୍ଦ୍ଧା-ବଲାଙ୍ଗୀର 57 ନମ୍ବର ଜାତୀୟ ରାଜପଥର ପୁବୁସାହିରେ ଘରୋଇ ବସ୍ ଦୁର୍ଘଟଣାଗ୍ରସ୍ତ ହୋଇଛି । ଦୁର୍ଘଟଣାରେ 25ରୁ ଉର୍ଦ୍ଧ୍ବ ଯାତ୍ରୀ ଆହତ ହୋଇଥିବାବେଳେ 2 ଜଣଙ୍କ ମୃତ୍ୟୁ ହୋଇଛି । ମୃତକଙ୍କ ମଧ୍ୟରେ ଜଣେ ବସ କଣ୍ଡକ୍ଟର ଓ ଅନ୍ୟ ଜଣେ ଯାତ୍ରୀ ଅଛନ୍ତି । ତେବେ ମୃତ ଯାତ୍ରୀଙ୍କ ପରିଚୟ ମିଳିନଥିବାବେଳେ ବସ୍ କଣ୍ଡକ୍ଟର ବାଘମାରି ଥାନା ଅନ୍ତର୍ଗତ ପଙ୍ଗାରସିଂହ ଗ୍ରାମର ବକ୍ରତ ଅଲ୍ଲୀ ଖାନ ବୋଲି ଜଣାପଡିଛି ।
ଭିଡିଓ ସୌଜନ୍ୟ :ପ୍ରତିନିଧି, ଖୋର୍ଦ୍ଧା
ତେବେ ଆହତଙ୍କୁ ଚିକିତ୍ସା ପାଇଁ ଖୋର୍ଦ୍ଧା ମେଡିକାଲରେ ଭର୍ତ୍ତି କରାଯାଇଥିବାବଳେ ତନ୍ମଧ୍ୟରୁ 5 ଜଣ ଗୁରୁତରଙ୍କୁ ଭୁବନେଶ୍ବର ସ୍ଥାନାନ୍ତର କରାଯାଇଛି ।
ସୂଚନାନୁଯାୟୀ, ନାରାୟଣୀ ନାମକ ଏକ ବସ୍ ଭୁବନେଶ୍ବରରୁ କଳାପଥର ଆସୁଥିବାବେଳେ କୌଣସି କାରଣରୁ ଭାରସାମ୍ୟ ହରାଇ ଓଲଟି ପଡିଥିଲା । ଘଟଣାସ୍ଥଳରେ ପୋଲିସ ଓ ଅଗ୍ନିଶମ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
