ଫୁଲବାଣୀ: କନ୍ଧମାଳକୁ ଛୁଇଁଛି ଚଳିତ ବର୍ଷର ପହିଲି ଶୀତ । ଏହି ପହିଲି ଶୀତର ସ୍ପର୍ଶରେ ପୁଲକିତ କନ୍ଧମାଳବାସୀ । କୁହୁଡି ଚାଦରରେ ଢାଙ୍କି ହୋଇଥିବା ସହରର ଦୃଶ୍ୟ ବେଶ ରମଣୀୟ ହୋଇଛି । କୁହୁଡିର କାକର ବିନ୍ଦୁକୁ ଶୀତ ଭେଦ କରି ସୂର୍ଯ୍ୟଙ୍କ ପହିଲି କିରଣ କବିଙ୍କ ମନକୁ ଆନ୍ଦୋଳିତ କରିପକାଉଛି । ପ୍ରକୃତିର ମାଦକତା ଭରା ସଙ୍ଗୀତରେ ଜୀବନ୍ତ ହୋଇଉଠିଲାଣି ।
ଭିଡିଓ ସୌଜନ୍ୟ: ସମ୍ବାଦଦାତା, କନ୍ଧମାଳ
ସେପଟେ, ଓଡ଼ିଶାର କାଶ୍ମୀର କୁହାଯାଉଥିବା ଦାରିଙ୍ଗବାଡିକୁ ମଧ୍ୟ ଛୁଇଁଲାଣି ଶୀତ । ଏଥିସହ ପର୍ଯ୍ୟଟକମାନେ ପ୍ରକୃତିର ଏ ରୂପକୁ କୋଳେଇ ନେବାକୁ କନ୍ଧମାଳ ମୁହାଁ ହେବେ । ଆଉ ପ୍ରକୃତିର କୋଳରେ କେଇ ମୁହୂର୍ତ୍ତ କାଟିବାକୁ ଓ ପରଶ ପାଇବାକୁ କେତେ ଯେ ଧାଇଁ ଆସିବେ ଏଠିକି । ସତେ ଯେମିତି ଶୀତ ଆସିଛି ସମସ୍ତଙ୍କୁ ସ୍ବାଗତ କରିବାକୁ ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
