ଫୁଲବାଣୀ: କନ୍ଧମାଳ ଓ ନୟାଗଡ ଜିଲ୍ଲା ସୀମାନ୍ତ ଜଙ୍ଗଲରେ କୁମ୍ବିଂ ଅପରେସନ ବେଳେ ଚାଲିଥିବା ନକ୍ସଲ କ୍ୟାମ୍ପରୁ ପୋଲିସ ବ୍ୟାପକ ସାମଗ୍ରୀ ଜବତ କରିଛି । ଏସଓଜି ଏବଂ ଡିବିଏଫ ଯବାନ ଟିମ କୁମ୍ବିଂ କରୁଥିବାବେଳେ ମାଓବାଦୀ କ୍ୟାମ୍ପ ଛାଡି ଛତ୍ରଭଙ୍ଗ ଦେଇଥିଲେ ।
ପୋଲିସ ବାହିନୀ କ୍ୟାମ୍ପରେ ସର୍ଚ୍ଚ ଅପରେସନ କରିବା ପରେ ବିପୁଳ ପରିମାଣରେ ନକ୍ସଲ ସାମଗ୍ରୀ ମିଳିଥିଲା । ୱାକିଟକି, ଇନଫ୍ରା ରେଡ୍ ୱାଇଡ୍ ଲାଇଫ୍ କ୍ୟାମେରା, ମାଓ ପୋଷାକ, ମାଓ ପୁସ୍ତିକା, ଡିଟୋନେଟର ଏବଂ ମାଓ କ୍ୟାମ୍ପ ଜିନିଷ ଜବତ କରିଛି ପୋଲିସ । ଏହି କ୍ୟାମ୍ପରେ କିଛି ହାର୍ଡକୋର ମାଓବାଦୀ ଥିବା ପୋଲିସ ସନ୍ଦେହ କରୁଛି ଏବଂ ସେଥିପାଇଁ ସର୍ଚ୍ଚ ଓ କୁମ୍ବିଂ ଅପରେସନକୁ ଜୋରଦାର କରାଯିବ ବୋଲି ପୋଲିସ ସୂଚନା ଦେଇଛି ।
କନ୍ଧମାଳରୁ ସଦାଶିବ ପାତ୍ର, ଇଟିଭି ଭାରତ
