ଫୁଲବାଣୀ: କନ୍ଧମାଳ ଜିଲ୍ଲାରେ ବଢୁଛି ଗଞ୍ଜେଇ ଚୋରା ଚାଲାଣ। ତେଲ ଟ୍ୟାଙ୍କରରେ ଗଞ୍ଜେଇ ଭର୍ତ୍ତି କରାଯାଇ ହେଉଛି ଚାଲାଣ । ଏହି ଘଟଣାରେ ପୋଲିସ ଜଣଙ୍କୁ ଗିରଫ କରିଥିବା ବେଳେ ୭୨ କିଲୋଗ୍ରାମ ଗଞ୍ଜେଇ ଜବତ କରିଛି । ଗିରଫ ବ୍ୟକ୍ତି ହେଲେ ପୁରୁଣା କଟକର ମୃତ୍ୟୁଞ୍ଜୟ ବଘାର । ଗିରଫ ପରେ ଫୁଲବାଣୀ ଏଡିଜେ କୋର୍ଟରେ ହାଜର କରାଯାଇଥିଲା। ହେଲେ ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି ।
ତେଲ ଟ୍ୟାଙ୍କରରୁ ଗଞ୍ଜେଇ ଜବତ, ଜଣେ ଗିରଫ
ସୂଚନା ଅନୁସାରେ, କୈଣସି ସୂତ୍ରରୁ ପୋଲିସ ଖବର ପାଇ ଫୁଲବାଣୀ ସଦର ପୋଲିସ ବିଶିପଡ଼ା ଛକରେ ଜଗି ରହିଥିଲା । ପରେ ଟ୍ୟାଙ୍କରଟି ସେହି ବାଟ ଦେଇ ଯାଉଥିବା ବେଳେ ପୋଲିସ ଅଟକାଇଥିଲା । ଆଉ ସେଥିରୁ ବିପୁଳ ପରିମାଣରେ ଗଞ୍ଜେଇ ଜବତ କରିଥିଲା । ସେପଟେ, ଏହି ଚଢାଉ ଜାରି ରହିବ ବୋଲି କହିଛନ୍ତି ସଦର ଏସଡିପିଓ।
କନ୍ଧମାଳରୁ ସଦାଶିବ ପାତ୍ର,ଇଟିଭି ଭାରତ
