ଭବାନୀପାଟଣା: କଳାହାଣ୍ଡି ଥୁଆମୁଳ ରାମପୁର ଅଞ୍ଚଳରେ ମୃତ୍ୟୁ ପରେ ମୃତକଙ୍କ ବ୍ୟବଚ୍ଛେଦରେ ଅବହେଳା ଅଭିଯୋଗ ଆଣିଲେ ପରିବାର । ସେପଟେ ଗାଁକୁ ମୃତଦେହ ନେବାକୁ ବାହକ ଗାଡ଼ି ମିଳିନଥିବା ଅଭିଯୋଗ ହୋଇଛି । ସେପଟେ ପରିବାର ଜୋରଜବରଦସ୍ତ ଡାକ୍ତରଖାନାରୁ ମୃତଦେହ ନେଇ ଚାଲି ଯାଇଥିବା CDMO କହିଛନ୍ତି ।
ମିଳିଥିବା ସୂଚନା ଅନୁସାରେ ଗୁରୁତର ଅବସ୍ଥାରେ ଡ଼ାକ୍ତରଖାନାରେ ଭର୍ତ୍ତି ହୋଇଥିଲେ ରୋଗୀ । ଏହାପରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ପରେ ଏବେ ବିବାଦ ଉପୁଜିଛି । ମୃତକ ପରିବାରଙ୍କ ଅଭିଯୋଗ ମୁତାବକ ମୃତ୍ୟୁ ପରେ ବ୍ୟବଚ୍ଛେଦରେ ଅବହେଳା ହେବା ସହ ନିଜ ଗାଁକୁ ମୃତଦେହ ନେବାପାଇଁ ମିଳିନାହିଁ ବାହକ ଗାଡ଼ି । ଅନ୍ୟପଟେ ଧୈର୍ଯ୍ୟହରା ପରିବାର ଜୋରଜବରଦସ୍ତ ଡାକ୍ତରଖାନାରୁ ମୃତଦେହ ନେଇ ଚାଲି ଆସୁଥିବା ତଦନ୍ତକାରୀ ଅଧିକାରୀ କହିଛନ୍ତି।
ସେପଟେ CDMO ମଧ୍ୟ ସମାନ କଥା କହିଛନ୍ତି । ବିନା ଅନୁମତିରେ ପରିବାର ବର୍ଗ ଡାକ୍ତରଖାନାରୁ ମୃତଦେହ ନେଇ ଚାଲି ଯାଇଥିବା ପ୍ରକାଶ କରିଛନ୍ତି । ଏହି ଘଟଣାରେ ଅଧିକ ତଦନ୍ତ ହେଉଥିବା ଜଣାପଡ଼ିଛି ।
କଳାହାଣ୍ଡିରୁ ଅଜିତ କୁମାର ସିଂ, ଇଟିଭି ଭାରତ
