କଟକ: ସଫେଇ କର୍ମଚାରୀ କୁନି ନାୟକଙ୍କୁ ନ୍ୟାୟ ଦାବିରେ ସିଏମସି ଆଗରେ ନ୍ୟାୟ ମାଗିଲା ସଫେଇ କର୍ମଚାରୀ ମହାସଂଘ । ସିଏମସି ପାଇଁ କାର୍ଯ୍ୟ କରିବା ସମୟରେ ଦୁର୍ଘଟଣା ଘଟିଥିବାରୁ ସିଏମସି ଆଗରେ ଧାରଣା ଦେଇଛନ୍ତି ସଫେଇ କର୍ମଚାରୀ ।
ତେବେ ସୂଚନା ଅନୁଯାୟୀ, ଗତ ନଭେମ୍ବର ମାସରେ ସିଏମସିର ଏକ ଠିକା ସଂସ୍ଥା ପକ୍ଷରୁ ବିଡାନାସି ଅଞ୍ଚଳରେ ସଫେଇ କାର୍ଯ୍ୟ କରୁଥିବା ବେଳେ ଜଣେ ଦୁର୍ବୃତ୍ତ ତାଙ୍କ ଉପରେ ଗାଡି ଚଢାଇ ଦେଇଥିଲେ । ଯାହା ଫଳରେ ତାଙ୍କର ଅଣ୍ଟା ଭାଙ୍ଗି ଯାଇଥିଲା । ତେବେ ଏହି ଘଟଣା ଘଟିବା ପରେ ଠିକା ସଂସ୍ଥାର ଅଧିକାରୀ ଓ ସିଏମସି କାର୍ଯ୍ୟାଳୟ ବାରମ୍ବାର ଆସିବା ସତ୍ତ୍ବେ ମଧ୍ୟ ଆର୍ଥିକ ସହାୟତା ମିଳି ନଥିଲା ।
ଅନ୍ୟପଟେ ସିଏମସି ପାଇଁ କାର୍ଯ୍ୟ କରିବା ସମୟରେ ଏହି ଘଟଣା ଘଟିଥିବାରୁ ସିଏମସି ଆଗରେ ଧାରଣା ଦେଇଛନ୍ତି ସଫେଇ କର୍ମଚାରୀ । ଯଦି କୁନିକୁ ନ୍ୟାୟ ନ ମିଳେ ତେବେ ଏହି ଆନ୍ଦୋଳନ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ଜାରି ରହିବ ବୋଲି କହିଛନ୍ତି ଆନ୍ଦୋଳନକାରୀ । ସେହିପରି ଏହି ଘଟଣାକୁ ନେଇ ଦୁଃଖ ପ୍ରକାଶ କରିଛି କଟକ ମହନଗର ନିଗମ । ଏହି ଘଟଣା ପାଇଁ କୁନିକୁ 30 ହଜାର ଆର୍ଥିକ ସହାୟତା ଦିଆଯିବା ନେଇ କହିଛନ୍ତି ସିଏମସି କମିଶନର ।
ଇଟିଭି ଭାରତ, କଟକ
