କଟକ: ସରିଛି ରାଜ୍ୟ କ୍ରିକେଟ ବୋର୍ଡ ନିର୍ବାଚନ । ନୂଆକରି ଓଡିଶା କ୍ରିକେଟ ଆସୋସିଏସନ(ଓସିଏ)ର ଦାୟିତ୍ବ ନେଇଥିବା କିମିଟିର ବୈଠକ ହୋଇଛି । ଚଳିତ ମାସ 23 ତାରିଖରେ ହେବାକୁ ଥିବା ଗୁରୁତ୍ବପୂର୍ଣ୍ଣ ବିସିସିଆଇ ନିର୍ବାଚନ ନେଇ ବୈଠକରେ ଆଲୋଚନା ହୋଇଛି । ନିର୍ବାଚନରେ ଓସିଏ ପକ୍ଷରୁ ଭୋଟ ଦେବେ ସମ୍ପାଦକ ସଞ୍ଜୟ ବେହେରା । ଏନେଇ ଆଜି ବସିଥିବା ସାଧାରଣ ପରିଷଦ ବୈଠକରେ ନିଷ୍ପତ୍ତି ହୋଇଛି ।
ଭିଡିଓ ସୌଜନ୍ୟ: ସମ୍ବାଦଦାତା କଟକ
ସଂପାଦକ ସଞ୍ଜୟ ବେହେରାଙ୍କ ପ୍ୟାନେଲ ଜିତିବା ପରେ, ଆଜି ଓସିଏର ପ୍ରଥମ ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଥିଲା । ଯେଉଁଥିରେ ସମସ୍ତ ସଦସ୍ୟ ସାମିଲ ହୋଇଥିଲେ । ବିଶେଷକରି ରାଜ୍ୟରେ କ୍ରିକେଟର ବିକାଶ ଆଲୋଚନାରେ ସ୍ଥାନ ପାଇଥିଲା । ଜିଲା ସ୍ତରୀୟ ମ୍ୟାଚକୁ ସୁଚାର ରୂପରେ ଆୟୋଜନ କରାଯିବା ନେଇ ମଧ୍ୟ ଆଲୋଚନା ହୋଇଥଲା । ପରେ ସମ୍ପାଦକ ସଞ୍ଜୟ ବେହେରା ହିଁ ବିସିସିଆଇ ନିର୍ବାଚନରେ ଓସିଏ ପକ୍ଷରୁ ମତଦାନ କରିବେ ବୋଲି ସ୍ଥିର ହୋଇଥିଲା ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
