ବରଗଡ: ଗଣ୍ଡଗୋଳରୁ ଗଡିଲା ମୁଣ୍ଡ । ବରଗଡ଼ରେ ହତ୍ୟାକାଣ୍ଡ । ଟାଉନ ଥାନା ଅନ୍ତର୍ଗତ ଖାଲିଆପାଲି ଗାଁରେ ଜଣେ ବୃଦ୍ଧଙ୍କୁ ହତ୍ୟା ହୋଇଛି । ଲୁହାଛଡ଼ରେ ଆକ୍ରମଣ କରି ଜଣେ ୬୨ ବର୍ଷୀୟ ବୃଦ୍ଧାଙ୍କୁ ହତ୍ୟା କରାଯାଇଛି । କାଣ୍ଡି ଘଟାଇଥିବା ଅଭିଯୁକ୍ତଙ୍କୁ ପୋଲିସ ଗିରଫ କରି ତଦନ୍ତ ଚଳାଇଛି l
ଜିଲ୍ଲା ଟାଉନ ଥାନା ଅନ୍ତର୍ଗତ ସିମେଣ୍ଟ ନଗର ଖଳିଆପାଲି ଠାରେ ଜୟଦେବ ବରିହା ନାମକ ଜଣେ ବ୍ୟକ୍ତି ଜଣେ ବୃଦ୍ଧାଙ୍କୁ ଲୁହାଛଡରେ ଆକ୍ରମଣ କରିଥିଲେ । ଉକ୍ତ ଗାଁର ଅନୀଲ ଝୁପାର ବାପା ଗଜାଧର ଝୁପାକୁ ହତ୍ୟା କରିଥିବା ନେଇ ଟାଉନ ଥାନାରେ ଅଭିଯୋଗ ହୋଇଥିଲା । ବରଗଡ଼ ଟାଉନ ଥାନା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ହତ୍ୟା ଅଭିଯୁକ୍ତକୁ ଟାଉନ ଥାନା ପୋଲିସ ଅଟକ ରଖିଛି ।
ଏନେଇ ଟାଉନ ଥାନାରେ ଏକ ମାମଲା ମଧ୍ୟ ରୁଜୁ ହୋଇଛି । କ୍ଷେତରେ ଫସଲ ନଷ୍ଟ ହେବାକୁ ନେଇ ଜୟଦେବ ବରିହା ଓ ଗଜାଧରଙ୍କ ମଧ୍ୟରେ ଯୁକ୍ତି ତର୍କ ହେଉଥିଲା । ଅନେକ ସମୟରେ ଜୟଦେବ ବରିହାଙ୍କ ଗାଈ ଗଜାଧରଙ୍କ ଫସଲ ନଷ୍ଟ କରୁଥିବାରୁ ଦୁଇ ଜଣଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା । ଗଣ୍ଡଗୋଳରେ ଉତ୍ୟକ୍ତ ହୋଇ ଜୟଦେବ ଏକ ଲୁହାଛଡରେ ଗଜାଧରଙ୍କୁ ଆକ୍ରମଣ କରିଥିଲେ ଫଳରେ ଗଜାଧରଙ୍କ ମୃତ୍ୟୁ ହୋଇଛି ।
ଏହା ବି ପଢନ୍ତୁ...ଆକାଶରୁ ଖସିଲା ମୃତ୍ୟୁ, ନାବାଳକ ସମେତ ୩ ମୃତ
ତେବେ ମୃତଦେହ ବ୍ୟବଚ୍ଛେଦ ପାଇଁ ବରଗଡ଼ ପୁରୁଣା ଜିଲ୍ଲା ମୁଖ୍ୟ ଚିକିତ୍ସାଳୟ ପରିସରକୁ ନିଆଯାଇଥିଲା । ପୋଲିସର ପ୍ରାଥମିକ ତଦନ୍ତରୁ ଯାହା ସାମ୍ନାକୁ ଆସିଛି ଜୀବର୍ଧନ ଓ ଗଜାଧର ଉଭୟଙ୍କ ମଧ୍ୟରେ କୌଣସି କାରଣକୁ ନେଇ ଯୁକ୍ତିତର୍କ ହୋଇଥିଲା ଓ ପରେ ଉତ୍ୟକ୍ତ ହୋଇ ଜୟଦେବ ବରିହା ଏକ ଲୁହାଛଡ଼ରେ ଗଜାଧରଙ୍କୁ ଆକ୍ରମଣ କରିଥିଲେ । ଗଜାଧରଙ୍କ ମୃତ୍ୟୁ ହୋଇଥିବା ଟାଉନ ଥାନା ଅଧିକାରୀ ସତ୍ୟଜିତ କଣ୍ଡେଲକର କହିଛନ୍ତି ।
ଅଭିଯୋଗ ଆଧାରରେ ଟାଉନ ଥାନାରେ କେସ ନମ୍ବର ୫୪୭ ଦଫା ୩୦୨ରେ ମାମଲା ରୁଜ୍ଜୁ ହୋଇଛି । ବର୍ତ୍ତମାନ ସୁଦ୍ଧା ମୁଖ୍ୟ ଅଭିଯୁକ୍ତ ଜୟଦେବ ବରିହାକୁ ରିମାଣ୍ଡରେ ନେଇଛି ପୋଲିସ । ଘଟଣାସ୍ଥଳକୁ ସାଇଣ୍ଟିଫକ ଦଳ ତଦନ୍ତ ପାଇ ଯିବେ ଏହା ପରେ ତଦନ୍ତ ଆଗକୁ ବଢିବ ବୋଲି କହିଛନ୍ତି ଥାନା ଅଧିକାରୀ ।
ଇଟିିଭି ଭାରତ, ବରଗଡ
