ବାଲେଶ୍ବର: ଜିଲ୍ଲାର ନୀଳଗିରି ଥାନା ଅଧୀନସ୍ଥ ସଜନାଗଡ଼ ଅଞ୍ଚଳରେ ଭାଲୁ ଆତଙ୍କ । ରବିବାର ବିଲରୁ ଧାନ କାଟି ଫେରୁଥିବାବେଳେ ଜଣେ ମହିଳା ଭାଲୁ ଆକ୍ରମଣର ଶିକାର ହୋଇଛନ୍ତି । ଆହତ ଜଣକ ନୂଆସାହି ଗାଁର ବାସନ୍ତୀ ନାୟକ । ଗୁରୁତର ଅବସ୍ଥାରେ ପ୍ରଥମେ ତାଙ୍କୁ ନୀଳଗିରି ମେଡିକାଲ ଓ ପରେ ବାଲେଶ୍ବର ମୁଖ୍ୟ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।
ଭାଲୁ ଆକ୍ରମଣରେ ମହିଳା ଗୁରୁତର
ସୂଚନାଯୋଗ୍ୟ, ନୂଆସାହିର ଗୋପୀନାଥ ନାୟକଙ୍କ ସ୍ତ୍ରୀ ବାସନ୍ତୀ ବିଲରୁ ଧାନ କାଟି ଘରକୁ ଫେରିବାବେଳେ ରାସ୍ତାରେ ଭାଲୁ ସହ ମୁହାଁମୁହିଁ ହୋଇଥିଲେ । ଭାଲୁଟି ତାଙ୍କୁ ଅତର୍କିତ ଭାବେ ଆକ୍ରମଣ କରିଥିଲା । ଫଳରେ ମହିଳାଙ୍କ ମୁଣ୍ଡରେ ଗଭୀର କ୍ଷତ ହୋଇଛି । ବର୍ତ୍ତମାନେ ସେ ବାଲେଶ୍ବର ମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଅଛନ୍ତି ।
ବାଲେଶ୍ବରରୁ ଜୀବନ ଜ୍ୟୋତି ନାୟକ, ଇଟିଭି ଭାରତ
