ଅନୁଗୋଳ: ଷ୍ଟେସନକୁ ଆସୁନାହିଁ ମେମୋ ଟ୍ରେନ, ସମ୍ବଲପୁର ଇଣ୍ଟରସିଟି ଟ୍ରେନ ମଧ୍ୟ କୋରୋନା ପାଇଁ ବନ୍ଦ ପଡିଛି । ଏନେଇ ଯାତ୍ରୀ ନାନା ସମସ୍ୟାର ସମ୍ମୁଖୀନ ହେଉଥିବା ଦର୍ଶାଇ ପୁନଃ ଆରମ୍ଭ ପାଇଁ ଦାବି କରିଛି SUCI କମ୍ୟୁନିଷ୍ଟ ।
ତୁରନ୍ତ ଅନୁଗୋଳ-ପୁରୀ ପାସେଞ୍ଜର ଟ୍ରେନ(ମେମୋ)କୁ ଚଳାଚଳ କରିବାକୁ ଦାବି କରିଛି SUCI । ବହୁ ସଂଖ୍ୟରେ SUCI କର୍ମୀ ଅନୁଗୋଳ ରେଳ ଷ୍ଟେସନରେ ଗଣ ଧାରଣାରେ ବସିଛନ୍ତି । ଅନୁଗୋଳ ପୁରୀ ଫାଷ୍ଟ ପାସେଞ୍ଜର ଟ୍ରେନ ଉପରେ ବହୁତ ଲୋକ ନିର୍ଭର କରନ୍ତି । କମ୍ ଟଙ୍କା ମଧ୍ୟରେ ଲୋକେ ପୁରୀ ଭୁବନେଶ୍ୱର ଯିବା ଆସିବା କରିପାରନ୍ତି । ମାତ୍ର ଏବେ ତାକୁ ଅନୁଗୋଳ ଷ୍ଟେସନକୁ ଅଣାନଯାଇ ତାଳଚେର ଠାରେ ରଖାଯାଇଛି । ଫଳରେ ଏହି ଟ୍ରେନ ଉପରେ ନିର୍ଭର କରି ଯିବା ଆସିବା କରୁଥିବା ଲୋକେ ନାହିଁ ନଥିବା ଅସୁବିଧା ସମ୍ମୁଖୀନ ହେଉଛନ୍ତି ।
ଅଯଥାରେ ଲୋକେ ଅଧିକ ପଇସା ଭଡା ଦେଇ ଯାଉଥିବା ଅଭିଯୋଗ କରିଛି ସଙ୍ଘ । ତୁରନ୍ତ ଟ୍ରେନ ଚଳାଚଳ ପାଇଁ SUCI ଦାବି କରିଛି । ଯଦି ଏହି ଦାବି ପ୍ରତି ରେଳ ବିଭାଗ ଦୃଷ୍ଟି ନଦିଏ ତେବେ ଆଗାମୀ ଦିନରେ ରେଳ ରୋକ କରିବାକୁ କମ୍ୟୁନିଷ୍ଟ ପକ୍ଷରୁ ଚେତାବନୀ ଦିଆଯାଇଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
