ଅନୁଗୋଳ: ସନ୍ଦେହଜନକ ଅବସ୍ଥାରେ ଗାଁ ପାଖ ନିଛାଟିଆ ଜଙ୍ଗଲରୁ କଙ୍କାଳ ଉଦ୍ଧାର । ଏଭଳି ଘଟଣା ଦେଖିବାକୁ ମିଳିଛି ଅନୁଗୋଳ ଜିଲ୍ଲାରେ । ସୂଚନାନୁସାରେ ଆଜି (ଶନିବାର) ସକାଳ ସମୟରେ ଗାଁ ପାଖ ଜଙ୍ଗଲରୁ ପ୍ରବଳ ମାତ୍ରାରେ ଦୁର୍ଗନ୍ଧ ଆସୁଥିବା ଜାଣି ଗାଁ ଲୋକେ ଖୋଜାଖୋଜି କରିବା ପରେ ଏକ ମଣିଷ ଶରୀର ଦେଖିବାକୁ ପାଇଥିଲେ ।
ଘଟଣାସ୍ଥଳରେ ଶରୀରଟି ସମ୍ପୂର୍ଣ୍ଣ ରୂପେ ନଷ୍ଟ ହୋଇ ଯାଇଥିବାବେଳେ କେବଳ କଙ୍କାଳ ପଡି ରହିଥିବା ଦେଖିବା ପରେ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ । ତେବେ ଖବର ପାଇ ଅନୁଗୋଳ ପୋଲିସ ଓ ସ୍ଥାନୀୟ SDPO ଘଟଣାସ୍ଥଳରେ ପହଞ୍ଚି ସର ଜମିନ ତଦନ୍ତ ଆରମ୍ଭ କରିଛନ୍ତି ।
ସେପଟେ ସ୍ଥାନୀୟ ଲୋକଙ୍କ କହିବାନୁସାରେ ଏହି ନିଛାଟିଆ ଅଞ୍ଚଳରେ ବିଭିନ୍ନ ସମୟରେ ଏଠାରେ ଅନୈତିକ କାର୍ଯ୍ୟ ଚାଲୁଥିବାନେଇ ସୂଚନା ଦେଇଛନ୍ତି । ଏହି ଘଟଣାରେ ପୋଲିସ ପକ୍ଷରୁ ତଦନ୍ତ ଆରମ୍ଭ କରାଯିବା ସହ ମୃତ ବ୍ୟକ୍ତି ଜଣକ କିଏ ଓ କେଉଁ ପରିସ୍ଥିତିରେ ତାଙ୍କର ମୃତ୍ୟୁ ହୋଇଛି ସେନେଇ ପୋଲିସ ତଦନ୍ତ ଜାରି ରଖିଛି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
