ଅନୁଗୋଳ: କମ୍ପାନୀ ପାଇଁ ଜମି ହରାଇଥିବା ଜମିହରାଙ୍କୁ ସେମାନଙ୍କ ନ୍ୟାୟ ଦେବା ପାଇଁ ଆନ୍ଦୋଳନରେ ଜନ ପ୍ରତିନିଧି । ଅନୁଗୋଳ ଜିଲ୍ଲା କଣିହାଁ ଠାରେ ଥିବା ରାଷ୍ଟ୍ରାୟତ ଉଦ୍ୟୋଗ NTPC ମୁଖ୍ୟ ପାଠକ ସମ୍ମୁଖରେ ଅନଶନରେ ବସିଛନ୍ତି ତାଳଚେର ବିଧାୟକ ବ୍ରଜକିଶୋର ପ୍ରଧାନ।
କମ୍ପାନୀ ଜମି ନେଲା କିନ୍ତୁ ନିଯୁକ୍ତି ଦେଲାନି: ଜମିହରାଙ୍କ ପାଇଁ ଅନଶନରେ ବସିଲେ ବିଧାୟକ
ଅନୁଗୋଳ ଜିଲାର କଣିହାଁ ଠାରେ ଥିବା NTPC ପାୱାର ପ୍ଲାଣ୍ଟ ପାଇଁ ଜମି ହରାଇଥିବା ପରିବାରଙ୍କୁ 30 ବର୍ଷ ହେବ ନିଯୁକ୍ତି ମିଳିନି । ନିଯୁକ୍ତି ଦେବା ନେଇ RPDACରେ ନିଷ୍ପତ୍ତି ହୋଇଥିଲେ ମଧ୍ୟ ଉଦ୍ୟୋଗ କର୍ତ୍ତୃପକ୍ଷ ଏହାକୁ ମାନୁ ନାହାନ୍ତି । ଜମିହରାଙ୍କୁ ନିଯୁକ୍ତି ଦେବାନେଇ ସ୍ଥାନୀୟ ବିଧାୟକ ବିଭିନ୍ନ ଉଚ୍ଚ କର୍ତ୍ତୃପକ୍ଷ ଏପରିକି NTPC ପରିଚାଳନା ନିର୍ଦ୍ଦେଶକଙ୍କୁ ଭେଟି ଦାବି ଜଣାଇଥିଲେ ବି କେହି ନ ଶୁଣିବାରୁ ବାଧ୍ୟ ହୋଇ ଅନଶନରେ ବସିଥିବା ବିଧାୟକ କହିଛନ୍ତି ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
