ଅନୁଗୋଳ: ସରିଲା ଗ୍ରୀଷ୍ମ ଋତୁ, ଆଗକୁ ଆସୁଛି ବର୍ଷା । ବର୍ଷା କାରଣରୁ କୌଣସି ବଡ଼ ଧରଣର ପ୍ରାକୃତିକ ବିପର୍ଯ୍ୟୟ ହେବା ନେଇ ସମ୍ଭାବନା ରହିଛି । ଏଥି ପୂର୍ବରୁ ସତର୍କ ରହିବା ନିହାତି ଆବଶ୍ୟକ । ବିପର୍ଯ୍ୟୟକୁ ମୁକାବିଲା କରିବା ନେଇ ସଚେତନତା ସୃଷ୍ଟି କରିଛି ଅନୁଗୋଳ ଜିଲ୍ଲା ପ୍ରଶାସନ ।
ଭିଡିଓ ସୌଜନ୍ୟ: ସମ୍ବାଦଦାତା, ଅନୁଗୋଳ
ସମ୍ଭାବ୍ୟ ବାତ୍ୟା ଓ ବନ୍ୟାର ମୁକାବିଲା ପାଇଁ ଜିଲ୍ଲା କେତେ ସତର୍କ ରହିଛି ସେନେଇ ଜିଲ୍ଲା ସ୍ତରରେ ମକଡ୍ରିଲ କରାଯାଇଛି । ଜିଲ୍ଲା ଅଗ୍ନିଶମ ବିଭାଗ ପକ୍ଷରୁ ଏହି ମକଡ୍ରିଲ କରାଯାଇ ସ୍କୁଲ ପିଲାମାନଙ୍କୁ ବିପର୍ଯ୍ୟୟ ମୁକାବିଲା ପାଇଁ ସଚେତନ କରାଯାଇଛି । ଏହି କାର୍ଯ୍ୟକ୍ରମରେ ବିପର୍ଯ୍ୟୟରୁ ମୁକୁଳିବାର ବିଭିନ୍ନ କୌଶଳ ଛାତ୍ରଛାତ୍ରୀଙ୍କୁ ଶିକ୍ଷା ଦିଆଯାଇଥିଲା ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
