ଭୁବନେଶ୍ବର: ପ୍ରଥମ ଥର ପାଇଁ ଭାରତୀୟ ମହିଳା ହକି ଦଳ କଳିଙ୍ଗ ଷ୍ଟାଡିୟମରେ ଖେଳିବାକୁ ଯାଉଛି । ନଭେମ୍ବର 1 ଓ 2ତାରିଖରେ ଅଲମ୍ପିକ ଯୋଗ୍ୟତା ପର୍ଯ୍ୟାୟ ମ୍ୟାଚ ଖେଳାଯିବ । ଏହା ପୂର୍ବରୁ କଳିଙ୍ଗ ଷ୍ଟାଡିୟମରେ ଭାରତୀୟ ଦଳ ଦୁଇଟି ଅଭ୍ୟାସ ମ୍ୟାଚ ମଧ୍ୟ ଖେଳିବ ବୋଲି ସୂଚନା ମିଳିଛି ।
ଆନ୍ତର୍ଜାତିକ ମ୍ୟାଚ ପୂର୍ବରୁ, ଅଭ୍ୟାସ ମ୍ୟାଚ ଦେଖିବାର ମଜା ମଧ୍ୟ ହକିପ୍ରେମୀ ମାନେ ଉଠାଇ ପାରିବେ । ଯାହାକି ଅଭ୍ୟାସ ମ୍ୟାଚର ବିନା ପ୍ରବେଶ ଶୁଳ୍କ ଜରିଆରେ ଦର୍ଶକ ଉପଭୋଗ କରିପାରିବେ ।
ଆସନ୍ତା 19 ଓ 16 ତାରିଖରେ ଭାରତୀୟ ଟିମର ଅଭ୍ୟାସ ମ୍ୟାଚ ଖେଳାଯିବା ନେଇ ସୂଚୀ ରହିଛି । ତେବେ ମ୍ୟାଚ ଆରମ୍ଭର ନିର୍ଦ୍ଦିଷ୍ଟ ସମୟ ସ୍ଥିର ହୋଇନାହିଁ । ଦର୍ଶକମାନେ ଷ୍ଟାଡିୟମର ପୂର୍ବ, ଉତ୍ତର ଓ ଦକ୍ଷିଣ ପ୍ୟାଭିଲିୟନରେ ବସି ଅଭ୍ୟାସ ମ୍ୟାଚ ଉପଭୋଗ କରିପାରିବେ ବୋଲି ସୂଚନା ମିଳିଛି।
ଭୁବନେଶ୍ୱରରୁ ଲକ୍ଷ୍ମୀକାନ୍ତ ଦାସ, ଇଟିଭି ଭାରତ
