କଟକ: ଅପେକ୍ଷାର ଘଟିଲା ଅନ୍ତ । ଦୀର୍ଘ ବର୍ଷ ପରେ ପୁଣି ଆରମ୍ଭ ହେବ ପ୍ରସିଦ୍ଧ କଳିଙ୍ଗ କପ । ଦୀର୍ଘ ବର୍ଷର ବ୍ୟବଧାନ ପରେ ପୁଣି ଏହି ମେଗା ଫୁଟବଲ ପ୍ରତିଯୋଗିତା ଆରମ୍ଭ ହେବାକୁ ଯାଉଛି । ଏନେଇ ଆରମ୍ଭ ହୋଇଛି ପ୍ରସ୍ତୁତି ପ୍ରକ୍ରିୟା ।
ଟୁର୍ଣ୍ଣାମେଣ୍ଟରେ ଆଇଲିଗ ଓ ଇଣ୍ଡିଆନ ସୁପର ଲିଗର କିଛି ଦଳ ଅଂଶ ଗ୍ରହଣ କରିବେ । ଏହାସହ ରାଜ୍ୟର କିଛି ଫୁଟବଲ କ୍ଳବକୁ ମିଶାଇ ଆଗାମୀ କଳିଙ୍ଗ କପରେ ଖେଳାଯିବା ନେଇ ନିଷ୍ପତି ହୋଇଛି ।
ଆଜି ଓଡିଶା ଅଲମ୍ପିକ ସଂଘରେ ଫାଓ (ଓଡିଶା ଫୁଟବଲ ସଂଘ )ର ବସିଥିବା ବୈଠକରେ ଏପରି ନିଷ୍ପତି ହୋଇଛି । ସେହିପରି ଆଗାମୀ ଦିନରେ ବିଭିନ୍ନ ଫୁଟବଲ ଟୁର୍ଣ୍ଣାମେଣ୍ଟ ମଧ୍ୟ ଆୟୋଜନ ସମ୍ପର୍କରେ ଆଲୋଚନା ହୋଇଥିଲା ।
ସବୁଠୁ ଗୁରୁତ୍ବପୂର୍ଣ୍ଣ କଥା ହେଲା ଏହି ବୈଠକରେ 2019- 20 ଓ 2020-21 ପାଇଁ ବାର୍ଷିକ ବଜେଟ ଉପସ୍ଥାପନ କରିଥିଲେ ସମ୍ପାଦକ ଆର୍ଶିବାଦ ବେହେରା । ରାଜ୍ୟ ସରକାରଙ୍କ ସହାୟତାରେ ଏହି କଳିଙ୍ଗ କପ ଆୟୋଜନ ହେବ । ଏହାଛଡା ଫୁଟବଲ କୋଚ ପ୍ରଶିକ୍ଷଣ ଓ ରେଫରି ଦକ୍ଷତାକୁ ଆହୁରି ମଜଭୁତ କରାଯିବା ନେଇ ମଧ୍ୟ ଆଲୋଚନା ହୋଇଥିଲା ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
