ମୁମ୍ବାଇ: ଏବର୍ଷ ଅନେକ ଫିଲ୍ମର ସୁଟିଂ ଆରମ୍ଭ ହୋଇଯାଇଛି । ଅନେକ ବିଗ ବଜେଟ ଫିଲ୍ମ ପରଦାରେ ଦେଖିବେ ଦର୍ଶକ । ଏହି କ୍ରମରେ ସାମିଲ ଅଛି ବହୁ ଚର୍ଚ୍ଚିତ ଫିଲ୍ମ ‘ପଠାନ’ । ଯେଉଁଥିରେ ସୁପରଷ୍ଟାର ଶାହରୁଖ ଖାନ ନଜର ଆସିବେ । ଆଉ ତାଙ୍କ ସହ ଅତିଥି ଅଭିନେତା ରୂପେ ସଲମାନ ଖାନଙ୍କୁ ଦେଖିବାକୁ ମିଳିବ । ଇତିମଧ୍ୟରେ ଫିଲ୍ମ ସୁଟିଂକୁ ନେଇ ନୂଆ ଖବର ଶୁଣିବାକୁ ମିଳୁଛି । ଯାହା ଫ୍ୟାନ୍ସଙ୍କ ଏକ୍ସାଇଟମେଣ୍ଟ ବଢାଇ ଦେଇଛି ।
କୁହାଯାଉଛି ଯେ ଏହି ଦୁଇ ସୁପରଷ୍ଟାରଙ୍କ ଆକ୍ସନ ଷ୍ଟଣ୍ଟ ବୁର୍ଜ ଖଲିଫାରେ ଦେଖିବାକୁ ମିଳିବ । ବିଶ୍ବର ସବୁଠାରୁ ବଡ ଦୁର୍ଗ ବୁର୍ଜ ଖଲିଫାରେ ଶାହରୁଖ ଓ ସଲମାନଙ୍କ ଫାଇଟ୍ ସିନ ସୁଟ କରିବାକୁ ଯୋଜନା କରିଛନ୍ତି ମେକର୍ସ ।
ସେହିପରି ନିକଟରେ ସଲମାନ ସୂଚନା ଦେଇଥିଲେ ଯେ ସେ ‘ପଠାନ’ର ସୁଟିଂ ଶୀଘ୍ର ଆରମ୍ଭ କରିବେ । ଆଉ ଶାହରୁଖଙ୍କ ଏହି ଫିଲ୍ମରେ ସଲମାନଙ୍କ ବ୍ୟତୀତ ଜନ ଅବ୍ରାହମ, ଦୀପିକା ପାଦୁକୋନଙ୍କ ନଜର ଆସିବେ ।
ପ୍ରକାଶ ଥାଉକି ‘ପଠାନ’ ବ୍ୟତୀତ ଶାହରୁଖ ଓ ସଲମାନଙ୍କୁ ଶେଷଥର ଫ୍ଲପ୍ ଫିଲ୍ମ ‘ଜିରୋ’ରେ ଦେଖିବାକୁ ମିଳିଥିଲା । ଗୋଟିଏ ଡାନ୍ସ ଆଇଟମରେ ଠୁମକା ଲଗାଇଥିଲେ ଦୁଇ ଖାନ।
