ମୁମ୍ବାଇ: ସୁପରଷ୍ଟାର ଆମୀର ଖାନଙ୍କ ଲାଡଲୀ ଇରା ଖାନ କିଛି ଦିନ ହେବ ସୋସିଆଲ ମିଡିଆରେ ନିଜ ଡିପ୍ରେସନ ବିଷୟରେ ଆଲୋଚନା କରି ଚର୍ଚ୍ଚାରେ । ସେ ଏଯାବତ ଅନେକ ଭିଡିଓ ପୋଷ୍ଟ କରିସାରିଲେଣି । ଯାହାକୁ ନେଇ ଫ୍ୟାନ୍ସଙ୍କ ମଧ୍ୟରେ ଚର୍ଚ୍ଚା । ଇତିମଧ୍ୟରେ ତାଙ୍କର ଆଉ ଏକ ନୂଆ ଭିଡିଓ ଭାଇରାଲ ହେଉଛି । ଯେଉଁଥିରେ ସେ ପୁଣିଥରେ ଡିପ୍ରେସନ କଥା କହି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛନ୍ତି ।
ଏହି ଭିଡିଓରେ ଇରା କହିଛନ୍ତି ଯେ ଯେତେବେଳେ ସେ ତାଙ୍କ ପିତାମାତା ଏବଂ କିରନ ମାଉସୀଙ୍କ ସହ ଡିପ୍ରେସନ ବିଷୟରେ କଥାବାର୍ତ୍ତା ହୋଇଥିଲେ। ତେବେ ତାଙ୍କୁ କେଉଁ ପରାର୍ମଶ ସେମାନେ ଦେଇଥିଲେ । ସେହିପରି ସେ ଜଣାଇଛନ୍ତି କିଛି ଲୋକ ତାଙ୍କ ଡିପ୍ରେସନକୁ ନିଜ ନିଜ ହିସାବରେ ଦେଖୁଛନ୍ତି । ଏଥିପାଇଁ ଏକ ଷ୍ଟ୍ରାଟିଜି ଜଣେ ମଣିଷଙ୍କ ଉପରେ କାମ କରୁଥିବା ବେଳେ ଅନ୍ୟ ଉପରେ କରେ ନାହିଁ ।
ନିଜ ବିଷୟରେ କଥା ହୋଇ କହିଛନ୍ତି, ‘ବହୁତ ଲୋକ ମତେ ପଜିଟିଭ ରହିବାକୁ ପରାର୍ମଶ ଦେଉଛନ୍ତି । ଲୋକେ ମତେ ବ୍ୟସ୍ତ ରହିବାକୁ କହୁଛନ୍ତି, ୱାର୍କଆଉଟ କରିବା ସହ ନେଗେଟିଭ ଥଟ୍ସରୁ ଦୂରେଇ ରହିବାକୁ ମଧ୍ୟ ପରାର୍ମଶ ଦେଇଛନ୍ତି । ଏହା ସତ୍ତ୍ବେ ମୁଁ ଏଯାବତ ଚାରି ଜଣ ଡାକ୍ତରଙ୍କୁ ଦେଖାକରିସାରିଲେଣି । ହେଲେ ଏହାର କୌଣସି ସମାଧାନ ମିଳିପାରିନାହିଁ ।’
- " class="align-text-top noRightClick twitterSection" data="
">
ପ୍ରକାଶ ଥାଉକି ଭିଡିଓର କ୍ୟାପସନରେ ଲେଖିଛନ୍ତି, ‘ଆପଣ ସେହି ବ୍ୟକ୍ତିଙ୍କୁ କଣ କହିବେ ଯିଏ ଡିପ୍ରେସେଡ ଅଛନ୍ତି ଏବଂ ଆପଣଙ୍କୁ ଯଦି ତାଙ୍କ ଡିପ୍ରେସନ ବିଷୟରେ ଜଣାନାହିଁ । ତେବେ ଆପଣ କଣ କହିବେ ? କିମ୍ବା କିଛି କହିବେନି ।’
