ଭୁବନେଶ୍ବର: ନୂଆଦିଲ୍ଲୀ ଠାରେ ଅନୁଷ୍ଠିତ ନବମ ଜାତୀୟସ୍ତରୀୟ ପ୍ରଦର୍ଶନୀ ଓ ପ୍ରକଳ୍ପ ପ୍ରତିଯୋଗିତା(National Exhibition and Project Competition)ରେ ଓଡିଶାର ଦୁଇ ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଛି । ଶ୍ରେଷ୍ଠ ପ୍ରଦର୍ଶନ ଲାଗି କଲ୍ୟାଣୀ ସାହୁ ଓ ଶ୍ରେୟାଂଶ ବିକାଶ ମିଶ୍ରଙ୍କୁ ପୁରସ୍କାର ପ୍ରଦାନ କରାଯାଇଛି । ସେପ୍ଟେମ୍ବର ୧୪ ତାରିଖରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମ ଶୁକ୍ରବାର ନୂଆଦିଲ୍ଲୀ ସ୍ଥିତ ବିଜ୍ଞାନ ଭବନ ଠାରେ ଉଦଯାପିତ ହୋଇଛି ।
କଲ୍ୟାଣୀ ସାହୁ ବରଗଡ଼ ଜିଲ୍ଲାର ମୁରାପଲ୍ଲି ସ୍ଥିତ ଦେଓଲି ନୋଡାଲ ହାଇସ୍କୁଲର ଦଶମ ଶ୍ରେଣୀର ଛାତ୍ରୀ ହୋଇଥିବା ବେଳେ ସେ ହସ୍ପିଟାଲରେ ରୋଗୀ ଏବଂ ବୟସ୍କ ଲୋକଙ୍କ ପାଇଁ ଉଦ୍ଦିଷ୍ଟ ଏକ ଅତ୍ୟାଧୁନିକ ବେଡ୍ ପ୍ରସ୍ତୁତ କରି ପୁରସ୍କୃତ ହୋଇଛନ୍ତି । କଲ୍ୟାଣୀଙ୍କ ନିର୍ମିତ ଏହି ବେଡ଼କୁ ଅତି ସହଜରେ ଉପର ଓ ତଳକୁ କରିହେବା ସହ ଏଥରେ ଅଟୋମେଟିକ୍ ବେଶିନର ସୁବିଧା ମଧ୍ୟ ରହିଛି । ସେହିଭଳି ବିଦ୍ୟୁତ୍ ସଂଯୋଗ ନଥିଲେ ମଧ୍ୟ ଏଥିରେ ଥିବା ଏଲିଡି ଆର ସେନସର ପରିଚାଳିତ ହୋଇପାରିବ । ଫଳରେ ଚାଲି ନପାରୁଥିବା ରୋଗୀ ମାନେ ଏଥିରେ ବହୁତ ଉପକୃତ ହୋଇପାରିବେ । ଧାରଣ ଲୋକଙ୍କ ହିତରେ ଆସିବା ଭଳି ଜିନିଷ ଉଦ୍ଭାବନ କରିବାକୁ ଲକ୍ଷ୍ୟ ରଖିଛନ୍ତି କଲ୍ୟାଣୀ ।
ଏହା ମଦ୍ୟ ପଢନ୍ତୁ-୧୨୧୩ଟି ମାଟି ଚା ଗ୍ଲାସରେ ବାଲୁକାକଳା କରି ମୋଦିଙ୍କୁ ନିଆରା ଶୁଭେଚ୍ଛା ଦେଲେ ସୁଦର୍ଶନ
ପୁରସ୍କୃତ ହୋଇଥିବା ଆଉ ଜଣେ ଓଡ଼ିଆ ହେଉଛନ୍ତି ଭୁବନେଶ୍ୱରର ସାଇ ଇଣ୍ଟର ନ୍ୟାସନାଲ ସ୍କୁଲର ଶ୍ରେୟାଂଶ ବିକାଶ ମିଶ୍ର । ଜାତୀୟସ୍ତରୀୟ ପ୍ରଦର୍ଶନୀ ଓ ପ୍ରକଳ୍ପ ପ୍ରତିଯୋଗିତାରେ ଦେଶରୁ ମୋଟ ୫୫୬ ଜଣ ଛାତ୍ର ଛାତ୍ରୀ ଅଂଶଗ୍ରହଣ କରିଥିଲେ । ସେମାନଙ୍କ ମଧ୍ୟରୁ ୬୦ ଜଣଙ୍କୁ ପୁରସ୍କୃତ କରାଯାଇଥିବା ବେଳେ ସେମାନଙ୍କ ମଧ୍ୟରକେ ଓଡିଶାର କଲ୍ୟାଣୀ ସାହୁ ଓ ଶ୍ରେୟାଂଶ ବିକାଶ ମିଶ୍ର ସ୍ଥାନ ପାଇଛନ୍ତି । ଏହି ପୁରସ୍କାର ପାଇବା ପରେ ଉଭୟଙ୍କ ପରିବାର ସଦସ୍ୟ ଓ ସ୍କୁଲର ଶିକ୍ଷକ ଶିକ୍ଷୟତ୍ରୀ ବେଶ ଖୁସି ଅଛନ୍ତି । ଉଭୟଙ୍କ ପ୍ରତିକ୍ରିୟା ବର୍ତ୍ତମାନ ସୁଦ୍ଧା ମିଳିପାରିନାହିଁ ।
