ଭୁବନେଶ୍ବର: ମାଡି ଆସୁଛି ବାତ୍ୟା 'ଗୁଲାବ' । ଏନେଇ ଆଜି ବାତ୍ୟା ସମୀକ୍ଷା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଦିଲ୍ଲୀରୁ ଭିସିଯୋଗେ ସମୀକ୍ଷା କରିବେ ମୁଖ୍ୟମନ୍ତ୍ରୀ। ଦିନ ୧୧ଟା ୩୦ ମିନିଟରେ ବସିବ ସମୀକ୍ଷା ବୈଠକ ।
ଗ୍ରାଉଣ୍ଡର ସ୍ଥିତି ଓ ପଦକ୍ଷେପ ବାବଦରେ ସମୀକ୍ଷା କରିବା ସହ ପରାମର୍ଶ ଓ ଅବଶ୍ୟକ ନିର୍ଦ୍ଦେଶ ଦେବେ ମୁଖ୍ୟମନ୍ତ୍ରୀ । ବୈଠକରେ ମୁଖ୍ୟ ଶାସନ ସଚିବ ସୁରେଶ ମହାପାତ୍ର, ଏସଆରସି ପ୍ରଦୀପ ଜେନା, ଶକ୍ତି ସଚିବ ନିକୁଞ୍ଜ ଧଳ, ଜଳସମ୍ପଦ ବିଭାଗ ସଚିବ ପ୍ରମୁଖ ଉପସ୍ଥିତ ରହିବେ । ପ୍ରଭାବିତ ଆଶଙ୍କା ଥିବା ଜିଲ୍ଲାର ଜିଲ୍ଲାପାଳ, ଏସପି ଓ ବରିଷ୍ଠ ଅଧିକାରୀମାନେ ଉପସ୍ଥିତ ରହିବେ ।
ଭୁବନେଶ୍ବରରୁ ଭବାନୀ ଶଙ୍କର ଦାସ, ଇଟିଭି ଭାରତ
