ବ୍ରହ୍ମପୁର: ବାପାଙ୍କ କଥାକୁ ମନ ପକାଇ ବାହୁନି କାନ୍ଦୁଛି ଝିଅ । କାନ୍ଦି କାନ୍ଦି କହୁଛି କେହି ମତେ ଟିକେ ଦେଖାଇଦେଲେନି । ଆଉ ଝିଅର କାନ୍ଦ ଦେଖି ନିରବି ଯାଇଛି ଗାଁ । ସ୍ତବ୍ଧ ହୋଇଯାଇଛନ୍ତି ସମସ୍ତେ । ଆମେ କହୁଛୁ ଗଞ୍ଜାମ ଜିଲ୍ଲାର କୋରୋନା ରୋଗରେ ମୃତ୍ୟୁ ହୋଇଥିବା ମଧୁପଲ୍ଲୀ ଗାଁର ଆକ୍ରାନ୍ତ ପରିବାରର କଥା।
ଗଞ୍ଜାମ ଜିଲ୍ଲାର କୋରୋନା ରୋଗରେ ମୃତ୍ୟୁ ଘଟିଥିବା ମଧୁପଲ୍ଲୀ ଗାଁର ଆକ୍ରାନ୍ତ ଜଣଙ୍କ ସୁରଟରେ ରହୁଥିଲେ । ଗଞ୍ଜାମ ଜିଲ୍ଲାର କୋରୋନା ରୋଗରେ ମୃତ୍ୟୁ ଘଟିଥିବା ମଧୁପଲ୍ଲୀ ଗାଁର ଆକ୍ରାନ୍ତ ଜଣଙ୍କ ସୁରଟରେ ରହୁଥିଲେ । ଲକ୍ଡାଉନ ପାଇଁ କାମ ନମିଳିବାରୁ ଅନ୍ୟମାନଙ୍କ ସହିତ ଗାଁକୁ ଫେରି ସରକାରଙ୍କ କ୍ବାରେଣ୍ଟାଇନ୍ କେନ୍ଦ୍ରରେ ରହିଥିଲେ ।
ତେବେ ସେଠାରେ ତାଙ୍କୁ ଜ୍ବର ହେବାରୁ ସ୍ଥାନୀୟ ଚିକିତ୍ସକଙ୍କୁ କହି ଔଷଧ ସେବନ କରିଥିଲେ । ହେଲେ ଗତ 8 ତାରିଖରେ ତାଙ୍କର ଜୀବନ ଚାଲିଯାଇଥିଲା । ତାଙ୍କ ମୃତଦେହକୁ ବ୍ରହ୍ମପୁର ଏମ୍.କେ.ସି.ଜି ମେଡିକାଲରେ ବ୍ୟବଚ୍ଛେଦ ପରେ ପ୍ରଶାସନ ପକ୍ଷରୁ ଶେଷକୃତ୍ୟ କରାଯାଇଛି ।
ଏପଟେ ବାପାଙ୍କୁ ହରାଇ କାନ୍ଦୁଛନ୍ତି ଚାରି ଝିଅ । ସ୍ବାମୀର ବାଟକୁ ଚାହିଁ ଚାହିଁ ଦିନ କାଟୁଥିବା ସ୍ତ୍ରୀ ଏବେ ଚାରି ଚାରୋଟି ଛୋଟ ଝିଅଙ୍କୁ ନେଇ କିପରି ବଞ୍ଚିବ ସେହି ଚିନ୍ତାରେ । ଦିନେ ହସଖୁସିରେ ଚାଲୁଥିବା ମୃତକଙ୍କ ପରିବାର ଆଜି ଶୋକଛାୟାରେ ବୁଡି ରହିଛି । ଗୋଟିଏ ପଟେ ପରିବାରର ମୁଖିଆଙ୍କୁ ହରାଇବାର ଦୁଃଖ ଅନ୍ୟପଟେ ବଞ୍ଚିବାର ବିଶ୍ବାସକୁ ନେଇ ଏହି ପରିବାର ଏବେ ସରକାର ସହାୟତାର ଅପେକ୍ଷାରେ ରହିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ